LIGWÉLÉL NGÉDA
Di nla kobol i bug ini le ngéda ni kal le hala a
yé ngim nlélém mbog i i mal bé, ñunda bés kikii mam ma ntagbe, kikii nom i
yé, kikii nom i yom i yé i ke ni bisu.
Ingéda u nyi gwélél ngéda, i nhôla we linyônôs
mam. Jon u nog le ngéda i yé moni inyuule ibale bo ndi u nyi bé nihbe ngéda,
ngéda i ntémb bé ni mbus. Jon a légék u
jek, a hol u je kuunjañ.
Nyi tibil gwélél ngéda li ngwal libog mam, liyi
kap mam ni liyi yônôs nson. Ingéda u nyi bog mam moñ,u ntehe nseñ i niñ. Hala a
nla ndigi bôña ingéda u nyi hek pék. Hanyem wa ga yi ki kap mam ma niñ ni liyi
yônôs nson. Ingéda u nyi ôt minsongi mi ngéda hala a mboñ le u nyi ôô bisélél
gwoñ kikii bo matôa, nkwade, môngô, tômblô, keilibog i ke ni bisu.
I mam ma nhôbôs we ngéda mon ma yé puhe jam
kikii lileege bakén, lipot i nkôô i nsinga bés bomede, libep kap nson, libugus
mam bisu, ngi manôgla ni i bôt we ni bo ni nlama sal, liguuna mam, lisambla i
boñ jam u nla bé, nop, kon i ke ni bisu.
Manjel i tibil gwélél ngéda mon ma ye libog
nson, liyi kap ngéda (nkalngéda, kilok), litjilil wemede yubda, liyônôs ngéda
yoñ ni ngéda bôt bape, libégés ngeñ i ke ni bisu inyuule hikii jam li gwé
ngéda. Ingéda bôt ba kôba ba bi bot nkalngéda i i gwé jôm li sôñ ni ibaa, ba bi
bot yak mangand. I mut a mbégés ngeñ a nhol nlélém ni i loñ i mbéges ngeñ.
Libag li ngéda li yé lelaa ? B’a ngéda ya bana ngim lisuk ? B’a we u
nyi gwélél ngéda ?
Masoda ni nu a nkil hi kokok
Yaônde, 26 mpuye 2008
PONDI
PONDI
