Di nla kobol i bug ini ni kal le hala a yé mahee mut a gwééne mut numpe noñnaga ni bimañ gwéé, libag jé, tel yé i ke bisu. Di nla ki kal le hala a yé libégés mut a mbégés mut numpe kikii bo maange manôgla a mbégés bagwal bé. Mut a nla ki ti mut lipém ingéda a nsinge nye. Bôt ba nti Hilôlômbi lipém, ba nti bawoga lipém ba nti mbén lipém, ba nti yom i mut numpe lipém, bôt ba nla ti maliga lipém yag ñane i ke bisu.
Ingéda u nti mut lipém, u yi le yag we bôt ba ti we lipém inyule kikii lép i nke i tuye, hala nyen masoda ma mut ma ntimbil nye. Inyu hala nyen, i jam u ngwel, li nyégle to u nwo. Jon u nog le, mut a nwona bé jôi. U nogog ki le, njok i keneg, i yégég matiñ. Mut a nlama ti nyemede lipém inyu i yidis nye i mis ma bôt. Jon u nog le, mañ u ntungul bé lép. U nogog ki le, banga jôi i nloo lingwañ. U sôgôg ki nog le, njok i malak, miñañ mi yéglege.
Liti lipém li yé nséñ inyu niñ i bôt ba niñ bo ni bo. Inyule hala a nkônde at bo, hala a nlona manôgla ipôla yap yag nsañ.
Yaônde, 31 kondoñ 2011
Nkam Pondi Pondi
http://antoinepondipondi.blogspot.com
