dimanche 29 mai 2016

MINTJA MI NYUBDA WOM


MINTJA MI NYUBDA WOM

 

Di nla kobol i ngén ini ni kal le hala wee yom yokiyo i nke habé longe.

Hikii  yom i nkon njék. Gwom gwobisôna bi mal buuda. Tjangén i mal jôp. Hala  wee yubda i mpam  homa nyensôna. Hala wee mut a nyi habé ño to iyindi. Hala wee yom yokiyo i nkil habé i mbén. Hala wee i i yé ngioda. Hala wee hikii mut a mboñ kikii sômbôl yé . Hala wee i i ta habé mbogog. Jon  u nok le : bisimba bi béé Mbem Mayi i bunga. U nogok ki le : joo bot i njôp malép. Hala wee ngim yom yon i yé i bôdôl heñel makidig ma niñ ngim homa. Liboo li njôb we ititimba. Hala wee liboo li mbet i ngii, malép ma mpôp habé. Hala wee ingéda yubda i mbôdôl mut a nyi ndi a yé a yan, i yiga sôk le i yubda ini i ntjama mbog yosôna. Hanyen a yé a yiga sôk le : hikok hi yé hi soo bas, hi nnumb libam. Hala wee hikii mut a ntehe ni jis jé, a nôgda ni niñ i yubda ini.

 

Ingéda  bangele ba mbôdôl kil i ngii lép wee lép i nsangi. Mam ma ntémb ma telep longe kikii Hilôlômbi a bi kit. Inyuule mbog i nkwo bé ngélé yada jon mbog i yé makwo ma ñyéé, mbog i kwog, mbog i nyodag.

 

Yaônde, 25 mpuye 2016

Nkam PondiPondi

http://antoinepondipondi.blogspot.com.

 

 

 

 

NSEN I BEGES NGEN


Mutnyekinyeanlabégwelngeñ. Hala wee mut a ñanebéngéda to ngeñ. Hikiijam li gwéngéñ. Mutanlamaboñ jam i ngéda, i babé i tihna, tiga le i jam li, li ôbi. Jon u nog le, a légék u jeg ; a hol, u je kuunjañ. Ingédamutambégésngeñ, a nyét. A nyibok mam méé, yak bôtbantinyelipém. Jon u noñokhikwe, u lep pa nimakoñ. I mutambégésngeñ, a tabémutyengi. I mutambégésngeñ, bôtbanyanbénye i noñnagakikii u nok le, i ségélhada, boongebayimbe we. I mutambégésbéngeñ, gwom bi nlaôbinye. Jon u nog le, bemgabemgaantegbéyilambomhitjo. I mutambégésngeñ, a yémutmahol. A nyiôtbôt, yak lipém a nyitibôt. I loñ i mbégésngeñ i nyepbé.

 

Yaônde, 23matjel 2003

                                     Nkam PONDI PONDI

                                      http://antoinepondipondi.blogspot.com

 

SUHUL NYUU


Text Box: SUHUL NYUUSUHUL NYUU 

Ingéda mut a nti bé nyemede lipém i lel balal ba ndamba nyen ba nkal le a yé mut suhul nyuu. Ingéda mut a mbégés be ligwelek jéé li mam i lel balal ba ndamba nyen ba nkal le a yé mut suhul nyuu. Mut suhul nyuu a nyi kééne bot i ntel wéé, hala a mboñ nye le a nyi bé lem lipamal. Hee u nwo, u tañ bé lem. Mut suhul nyuu a nyi ti babôk gwéé lipém, mut suhul nyuu a nyi ti isañ wéé nson lipém, mut suhul nyuu a nyi ti bagwal béé lipém. Jon u nog le man, ma emble. Inyuu i yi jam, u nlama yi emble. Ibale bo ndi u ngwés yémbél mam ma niñ, u nlama ba mut suhul nyuu. Hala a boñ we le, u yi gwel wemede ingéda mam ma niñ ma nke we longe noñnaga ni longe yoñ i nson. Mut suhul nyuu a yé maséé ingéda ba ñemble nye, mut suhul nyuu a yé ki maséé ingéda ba ñemble bé nye. Mut suhul nyuu a ntôñ bé le bôt ba nyi bé nye ndi yom a ntôñ yon i yé le a nyi bé bôt. Mut suhul nyuu a nyi tééda i mam a niñil i boña wéé. I ntén mut ini i nla habé ba nkol i mut numpe to nkol i loñ ipe inyuule i yom i yé nye i ño mut numpe a nla bé yoñ yo. Mut suhul nyuu a nkon maséé i ba i niñ, a niñ longe niñ.
 
 
 
Yaounde, 10 njéba 2000
 
Nkam PONDI PONDI
 
http://antoinepondipondi.blogspot.com


 

dimanche 1 mai 2016

LIBAK LI NSAÑ


LIBAK  LI NSAÑ

 

Di nla kobol i buk ini le libak ni kal le hala a yé yom tole jam li nnom.

Di nla kobol i buk  ini le nsañ ni kal le hala wee yubda i ta bé.

Di nla kobol i buk ini le libak li nsañ ni kal le hala a yé longe libogog li mam li ngim yom tole li ngim jam.

Inyuu hala nyen u nla tehe libak li nsañ li mbog bihégél.

Di nla ki kobol i buk ini  le libak li nsañni kal le hala a yé longe libogog li mahoñol ma bôt ba ngim nlôñ, ngim ndap bôt, ngim litén, ngim loñ, ngim ntôñ i ke bisu. Hala a ngwal adna, libô, manôgla, like njel yada i ke bisu i pôla i bôt bana.

Hala ankôhna masééi ñem, i mis i ke bisu.

Yom u nlama yi, yo ini le  longe libogog yon i nlona nsañ ni mahol.

 

Yaônde, 23 matumb 2016

Nkam PondiPondi

http://antoinepondipondi.blogspot.com

Ñañ


Text Box: ÑAÑ ba binam, hala a mboñ we le u nôgda le u yé jô i ngim pes mbog i i bi gwéé i nwaa we u gwéé i ya nom ki ngandag i mbus nyemb yoñ. I ngéda u nyi bé ñañ woñ, ñañ li lngéda u nyi ñañ i bôt haa joñ, ñañ litén joñ to ñañ u Ioñ yoñ, u yé wang mut. Yag lihaa joñ, litén joñ to loñ yoñ bi nene ndigi wee bi gwéé bé minkañ. Hala a mboñ le i mam ma ngwéla i len ini ni nok bé mo ndi to yi mo ni nyi bé mo. Ñañ i nti we bilonge bi biniigana bi mam wa ñiñ ni i njel ini le u mboñ habé dihôha di bôt ba bak we bisu. Ñañ i mboñ we le u nyi biloñ bipe. Jon u nog le, hiki Ioñ ni héé hibél hi kôp. Liyi ñañ Ii nla téénga mut inyuu maliga ma mut a ngwés bé nog. Mu i njel i nyen mut a nla batba le inyuu kii lini jam li bi ña ? Lelaa lini jam li bi bôña ? Inyuu i boñ le u tééda i jam ba ñañle we, u nlama yi gwel wemede ni tiige i mut a mpot. Jon u nog le, ñañ u tabé joo li ngôlôñ. Mu i njel ki i nyen u nog le, ñañ manyañ le lilagle. Nseñ u ñañ u yé le u yiba, le bôt ba yi ñañ i mbog kôba ni kwañ. Jon u gwé ñañ i base, ñañ i likenge, ñañ i ngii ni hisi, ñañ i ngim mbai, ñañ i ngim mut tole ñañ i ngim mudaa,  ñañ i mintonba, ñañ i loñ, ñañ i bikéhene, ñañ i nkaa kunde, ñañ i lijo gwét i ke ni bisu. Jon u nog ki le, nlôm njel a kennga ñañ. Ngim mut tole ngim loñ i nla bep añal ngim ñañ. I jam li, li tabé longe. Inyuu hala nyen bayi ñañ bon ba hômôg i nkék njal. Inyuule ngim bôt yon i kôli i añal ngim ñañ i ngim ba homa ni i ngim ma ngéda. Jon u nog le ñañ mbe i nkola bé ni mim pa. Ndi yom di nyi, yo ini le, mpot bindéé a gwé bé lipém i loñ yé. Mu i njel i nyen u nog le, ñ mut i loona ntet ka.


Yaoundé, 31 njéba 2001

 

Nkam PONDI PONDI

 

http://antoinepondipondi.blogspot.com

LIIBANA


LIIBANA

 

Di nla kobol i buk ini le liibanani kal le hala a yé i jôp i jimb, i yoñ ngama i jôs ngim mut.

 

Di  nla ki kobol i buk ini ni kal le hala a yé i yoñ mahoñol ni makidigbisôsôli inyuu i jôs loñ yoñ, i yelel ni nuñle mam ma loñ yoñ, i nkén mut  to nkén loñ  inyuu i yémbél loñ yoñ, i  jôs ni nuñul loñ yoñ i ke bisu. Hala a yé nlélém inyuu mut.

 

hikokoñ hi ntôñ ni baoo boñ, ni bajôs loñ yé ni njel nsohop, njel nyômôg i ke bisu. Yom u nlama yi, yo ini le liibana loñ yoñ i yé jem li nla kena we i mog tole i nol we i njel mbén loñ yoñ

 

 

Yaônde, 26 dipos 2015

NkamPondiPondi

http://antoinepondipondi.blogspot.com

 

LIHYÔ

Mut a nla bana lihyô le njal i gwé nye.Ba nkal le a gwé lihyô li njal inyuule bijek bi ta bé nye libum.Mut a nla bana lihyô le a nkon, le matjél ma ta bé i nya i kôli i nyuu yé i ke bisu. Mut a nla bana lihyô le a yé ikété puuwene ingéda a mbet tole a nsugdana ikété ond tole ingéda a nkahalsôs. Ba nkal le lihyô le mbeli li gwé mut.

 

Ingéda lihyô li gwé mut, mut a nla  kwoisi inyuule a nhoñol le makôô ma téé bé nye longe isi.A hoñlagki le i homa a tééne , hisi hi nkiiña. Jon mut a yé a kwo.Lihyô li nlôl ngim homa i boña. Yak mut a nkon maôô lihyô li nla gwel nye.

 

Yaônde, 26 dipos 2015

NkamPondiPondi

http://antoinepondipondi.blogspot.com