mardi 7 juin 2011

Liens Vidéos

Toutes mes vidéos
vidéos du mois de Février 2011
vidéos du mois de Décembre 2010
vidéos du mois de Novembre 2010
vidéos du mois de Août 2010
vidéos du mois de Juin 2010
vidéos du mois de Avril 2010
vidéos du mois de Janvier 2010
vidéos du mois de Novembre 2009
Vidéos du mois de Avril 2011
http://www.youtube.com/watch?v=nChAOIboGuY
http://www.youtube.com/watch?v=S1kf7HKjWb0
http://www.youtube.com/watch?v=6i4LHUOrzGs

TAGAA TUGUL

TAGAA TUGUL

Di nla kobol i bug ini ni kal le hala a yé mut bôt ba nyoñ ni tehe kikii ngim nan. Mut nu bôt ba nla boñ i yom ba ngwés. Hala wee ba nsigle nye, ba nol nye, ba ntéénga nye i ke bisu. Bôt ba nwaa bé kônde boñ nye i yom ba ngwés.

I pes binuga, u nla léba ngim nuga binuga bipe bi mboñ nye i yom ba ngwés.

Yaônde, 02 mpuye 2011

Nkam Pondi Pondi

http://antoinepondipondi.blogspot.com

TJEL MANDOBOO

TJEL MANDOBOO

Di nla kobol i bug ini ni kal le hala a yé yom ba nhégda nhégdaga ndi i ta bé mbale. Di nla ki kobol i bug ini ni kal le hala a yé yom i u ntehe bé mahee mé i téé bilôñ. Jon u nla bana bigwel moo bi tjel mandomboo, sitok i tjel mandomboo i ke bisu.

Ingéda u njôp i pes i yi mangui, ba nkobol i bug ini ni kal le hala a yé tutuga i mpam ndi i timbha milba i nlélém ngéda mahielba ma ibot, ndi i mbus nyuu tutuga ni maông ma tutuga ma nyiba bé longe. I nlélém njel i yi mangui, nyen yom i tjel mandomboo ni tidii i tjel mandoboo bi yé maton ba nléba i mbus ditedee di mbaï di di mpa ño i mbog mis ndi jis li tehe ingéda li nkôs ditedee tini.

I pes i mbogog minson mi tjel mandomboo hala a yé tegep tole pigla bañ i mbog mangui i i mbat le inyu i boñ le mbog ngui i tegep tole i pigla bañ, i mbéda ni nsômbla le nson i ngui ba ngwélél i ba yanga inyu hikii liké li tjel mandomboo ndi i kihga ni manjel.

Yaônde, 21 mpuye 2011

Nkam Pondi Pondi

http : //antoinepondipondi.blospot.com

NGI YI TI MAYéGA

NGI YI TI MAYéGA

Di nla kal le hala a yé mut a nhôya longe mut numpe a mboñ nye. Di nla ki kal le hala a yé mut a nyi bé jam li lam a nkôs ni mut numpe. Di nyil hala maboñog ma mut, i hop wé i ke bisu. Inyu i yi mut, u nlama bénge i mam a ngwélél, u nlama nigil i mam a nyéñ ndi u nléba i yom i nkôhna nye maséé. Kii i nla boñ le mut a yi bé ti mut numpe mayéga inyu longe a mbana? Inyu jam li lam a nkôhna? I mut a nyi ti nyemede lipém a tabé mut ngi yi ti mayéga inyule a yé mut suhul nyu, a bag ki banga ngwélés. Mut nu a nyi le a nlama niñ iketé nsañ ni mut wé libôk, mut nu a nyi le a nlama bé yoñ mut nyekinye kikii nan i ke bisu.

I mut a yé mut ngi yi ti mayéga a yé mut a gwé bé banga hémle to banga bot ñem ni Hilôlômbi. Mut nu a yé le to kiñ yé ñem i nkéés nye, a ntehe le hala a tabé ngim jam i ke bisu.

Yom di nyi yo ini le ngi yi ti mayéga i yé béba lem.

Yaônde, 21 mpuye 2011

Nkam Pondi Pondi

http : //antoinepondipondi.blospot.com