mercredi 13 avril 2011

TUM

TUM Di nla kobol i bug ini ni kal le hala a yé ngim ngap. Jon u nog le, hee u nyimbe tum, u nyén bé wetama, u ngwel bé jam wemede. Inyu hala nyen ingéda u nyi ngap yoñ nyen u nla bép woo i tôl i boñ ngim jam. Jon u nog ki le, hee u nyimbe pôk, u nje bé juu. Hala wee u yi kôôba jam joñ ndi u boñ jo longe. Ingéda maange a nañ, hala wee a nkônde bana tum, hala wee ngui. Hala wee a nla kônde boñ ngim mam ipe. Yaônde, 07 matumb 2011 Nkam Pondi Pondi http://antoinepondipondi.blogspot.com

TÔS


TÔS


Di nla kobol i bug ini ni kal le hala a yé kéhme jam li kôli. Hala wee i jam u mboñ li nkola. Jon di nla kal le tôs nu inyule i jam li, li nyon le pénda i tabé. I jam li, li mbôña kikii li lamaga bôña. Hala wee pigla i tabé. Hala wee maliga ma. Hala wee mam ma kil i kokok. Yaônde, 07 matumb 2011 Nkam Pondi Pondi http://antoinepondipondi.blospot.com

Bañan bon ba jop

Bañan bon ba jop Bôt ba kôba ba bé sébél ki Hilôlômbi le Jop. Hilôlômbi a nyi le bon ba mee bobasôna ba yé bon bé. Jon a mbat hikii man mee le a yi tééda nyuu yé, a ba maange manôgla. Banga maange Hilôlômbi a yé maange a mbégés mambén ma Hilôlômbi. Inyule Hilôlômbi a nyi le ngandag bon ba mee ba kôm nye mbus ndi a nyi le ba yé bon bé to hala kii bon ba mee ba nke i hémle banyambe bape. Bon ba mee ba sôk ndigi témb yag Hilôlômbi. Jon ingéda majôna, bôt ba kôba ba bé ha bé mbônji i soñ inyule nyemb i niiga bés le niñ i nke ni bisu. Man mee a nlama tééda liada jé ni Hilôlômbi. Jon a nlama kweeba. A nlama ntémna mbu wé ni mahoñol mé mangéda ma len ini. A nlama yi kena niñ yé i hikii kel ingéda a tabé nkol i siba, i maog, i mahoñol mabe i ke bisu. A nlama yi bégés niñ hala wee a nkan bé kuu, a nyéñ i bana sôkbôk maséé, a nyi kena malal mé, a nyi nog maisañ ni mut wé libôg. A nke liké li makôô inyu i hép longe i ke bisu. Yaônde, 14 matjel 2011 Nkam Pondi Pondi http://antoinepondipondi.blogspot.com