NWÉHÉL

NWÉHÉL

         Hala a yé le, u mboñ béba ndi u tam béba yoñ. Ingéda ba nkal le, ba nwéhél wé, hala a nkobla le i mut u mboñ béba, a nhéya béba u mboñ nye i ñem wéé. Hala a nkobla ki le a nhôya béba yoñ. Jon mut a nla nwéhél béba, mut a nla nwéhél bisol, mut a nla nwéhél maboñog ma mut numpe i ke bisu. Hilôlômbi a nla nwéhél béba i mut a mboñ, Hilôlômbi a nla nwéhél mut a mbôk mbén yéé i ke bisu.

         Bôt ba nla nwéhlana bibéba gwap, bisol gwap, maboñog map i ke bisu. Jôñ mut yon i nyi bé nwéhél béba mut a mboñ. Ingéda mut a nyi nwéhél yag bôt bape ba nwéhél nye bibéba gwéé. Nwéhél i nkobla bé le mahoñol moñ ma nyi habé i jam li mbôña. Nwéhél i nkobla ndigi le i béba ba mboñ we, u ntééda bé yo i ñem woñ. I mut a nyi nwéhél, a nniñ longe inyuule i nwaa a mboñ jam, a ñôt mahoñol méé longe liôdôg inyuu i mboñ le a tam bañ i yom a mboñ. I mut nunu a nyi gwel nyuu yé ni nyemede. Hala a nlôl ndigi ni sômbôl i mut nyemede ni suhul yé i nyuu. Mut a nla bé kal le, a ngwélél Hilôlômbi ndi a yi bé nwéhél manyañ. Hala a yé kimasoda le mut a nyi nwéhél i mut a mboñ nye béba.

         Jon ingéda u nog le, soho me ta béme kiñ ni we, hala wee, nwéhél me ndi me ntehe béme i jam lini kikii we. I kon ini ya nwéhél we, hala wee i kon ini ya pendel we.

         Ihôha ini ya nwéhél bé we. Hala wee u nke njek ngwé, u hada njok i sumbi. Jon u nlama yi le, ihôha hoñ ini ya sôk boñ le u gwiya kel yada.

         Ibale bo ndi u nla yi gwel hiun hoñ banga ligwelek, hala a hôla we le u boñ bañ béba, i wa yiga sôk tam. Masoda ni nu nkil hi kokok.

 

Yaônde, 15 matumb 1999

   Nkam Pondi Pondi

http://antoinepondipondi.blogspot.com

LIKAP

 

        Hala a yé jam li mbéna béngé base. Di nla kobol i bug ini  ni kal le hala a yé gwéha mut a ngwés Hilôlômbi ni mut wé libôk. Mu i njel i nyen mut likap a nti i mut a gwé bé yom i yom a gwé kikii bo moni, mbod, bijek, bee i ke ni bisu. U nyi mut likap ingéda u nog le, njagi njok malép ma ipupuga, ba ha we, u ha nlal nyuñ. U nogog ki le, Bakô a kap njoi i mbôgôl bôt, a yégla tôl. Di nla kal le likap li yé i hôla mut tole ntôñ i base i jôi ni i gwéha Hilôlômbi. Ingéda mut a nkap, a mboñ i jam li ni longe yéé i ñem. Jon u nog le, ti i yé masoda i lel kôs. Hala wee i mut likap nunu, Hilôlômbi a nsayap nye ni nye a nkônde bana bigwel moo. Yak mam ma niñ yéé ma nke longe. Inyuu hala nyen mut likap a nlama bé ndigi bôn. A nlama bé ndigi bem le kikii a bana bigwel moo i lel balal ba ndamba, nyen a nkap tigale a bem jôga, a yi bé i yom i yé le likap.

 

       Likap li mboñ mut le a nimis bé niñ yéé. Likap li ntohol mut ni nyemb yéé. Jon u nog le, likap li ntééda libô.

 

       Ndi mut a hôya bañ nyemede, jon u nog le ipôda, ba pôt we, u mpôt habé mut.

 

YAÔNDE, 19 maye sép 2007

                                                  Nkam Pondi Pondi
 

 

          

        

LIBÔM LI NJINGE LI NHA BÉ YOM

LIBÔM LI NJINGE LI NHA BÉ YOM

 

Di nla kobol i ngén ini ni kal le i yom u bak u gwééne mapide i mal. Hala wee u pidge mut a yiga tjôô we. Hala wee i mut bôt ba nlôôha singe ni bôdôl ñem, a nhañ bé yube bo iyindi i lép. Hala a nkobla le u mbiine bañ bot yoñ ñem yak mut numpe inyuule i bon u ngwal, ba nla yila baoo boñ. I bôt u ñane bon ba la yila baoo boñ ni i njel ini le ba nyéñ i ôbôs ane yoñ, nson woñ. Hala a yé nlélém inyuu ndap yoñ bôt, mawanda moñ, bôt ba nlôñ woñ, bôt ba ntôñ woñ i ke bisu. Jon u nok le: ngog-lom i nupla.

 

Bôt ba kôba ba bi tehe le mbegee yoñ u bééga yo Hilôlômbi inyuule nyen a lédés we. Hilôlômbi a yé banga liaa. Jon u biine bot yoñ ñem yak Hilôlômbi. A ga wéha bé we nyuu. Jon ingéda bôt ba kôba ba bé soohe Hilôlômbi, ba bé sugus masoohe map ni i ngén ini le: nginda hibee hi i jek batôle. Hala wee ba nti Hilôlômbi mam map.

 

Masoda ni nu a nkil hi kobok.

 

 

Yaônde, 11 dipos 2016

                                                              Nkam Pondi Pondi

http://antoinepondipondi.blogspot.com

 

 

 

LIBÔM LI NJINGE LI NHA BÉ YOM

 

Di nla kobol i ngén ini ni kal le i yom u bak u gwééne mapide i mal. Hala wee u pidge mut a yiga tjôô we. Hala wee i mut bôt ba nlôôha singe ni bôdôl ñem, a nhañ bé yube bo iyindi i lép. Hala a nkobla le u mbiine bañ bot yoñ ñem yak mut numpe inyuule i bon u ngwal, ba nla yila baoo boñ. I bôt u ñane bon ba la yila baoo boñ ni i njel ini le ba nyéñ i ôbôs ane yoñ, nson woñ. Hala a yé nlélém inyuu ndap yoñ bôt, mawanda moñ, bôt ba nlôñ woñ, bôt ba ntôñ woñ i ke bisu. Jon u nok le: ngog-lom i nupla.

 

Bôt ba kôba ba bi tehe le mbegee yoñ u bééga yo Hilôlômbi inyuule nyen a lédés we. Hilôlômbi a yé banga liaa. Jon u biine bot yoñ ñem yak Hilôlômbi. A ga wéha bé we nyuu. Jon ingéda bôt ba kôba ba bé soohe Hilôlômbi, ba bé sugus masoohe map ni i ngén ini le: nginda hibee hi i jek batôle. Hala wee ba nti Hilôlômbi mam map.

 

Masoda ni nu a nkil hi kobok.

 

 

Yaônde, 11 dipos 2016

                                                              Nkam Pondi Pondi

http://antoinepondipondi.blogspot.com

 

 

 

LIBÔM LI NJINGE LI NHA BÉ YOM

 

Di nla kobol i ngén ini ni kal le i yom u bak u gwééne mapide i mal. Hala wee u pidge mut a yiga tjôô we. Hala wee i mut bôt ba nlôôha singe ni bôdôl ñem, a nhañ bé yube bo iyindi i lép. Hala a nkobla le u mbiine bañ bot yoñ ñem yak mut numpe inyuule i bon u ngwal, ba nla yila baoo boñ. I bôt u ñane bon ba la yila baoo boñ ni i njel ini le ba nyéñ i ôbôs ane yoñ, nson woñ. Hala a yé nlélém inyuu ndap yoñ bôt, mawanda moñ, bôt ba nlôñ woñ, bôt ba ntôñ woñ i ke bisu. Jon u nok le: ngog-lom i nupla.

 

Bôt ba kôba ba bi tehe le mbegee yoñ u bééga yo Hilôlômbi inyuule nyen a lédés we. Hilôlômbi a yé banga liaa. Jon u biine bot yoñ ñem yak Hilôlômbi. A ga wéha bé we nyuu. Jon ingéda bôt ba kôba ba bé soohe Hilôlômbi, ba bé sugus masoohe map ni i ngén ini le: nginda hibee hi i jek batôle. Hala wee ba nti Hilôlômbi mam map.

 

Masoda ni nu a nkil hi kobok.

 

 

Yaônde, 11 dipos 2016

                                                              Nkam Pondi Pondi

http://antoinepondipondi.blogspot.com

 

 

 

MAN MEE A NUÑLENE BAÑ BITÉK GWÉ MUT A TABÉ MAN MEE

MAN MEE A NUÑLENE BAÑ BITÉK GWÉ MUT A TABÉ MAN MEE

 

Hala a yé mbén i yôhne ibaa Hi1ô1ômbi a bi ti bôt ba kôba ingéda a bi tohol bo gwét i NGOG LITUBA. A bôn bo le a ti bo nkoñ. Bayemlikok a yônôs likak li, ni bon ba mee ba bana nkoñ. Batuupék a ti bôt ba kôba yi ni pék inyuu i sal bijek mu i nkoñ wap ni ôô bisélél gwap. Hala wee Hilô1ômbi a bi sayap bo le ba niñ longe ni ki le ba ba kunde. Jon a bi ti bo i mbén ini inyuule ingéda ba nuñul nkoñ wap mut a tabé man mee, i mut nunu a nyi bé Hilô1ômbi ni biniigana gwé. Mahoñol ni maboñog ma mut nunu a tabé man mee ma yé le a kadal nkoñ. Ndi ki ingéda Hilôlômbi a bi ti man mee nkoñ, i nkoñ unu u kéba ni matén i mbus matén, bôt ba kôba ba nkap nkoñ ni mandap ma bikôkô i ke ni bisu.

lnyuu i ti Hilô1ômbi mayéga ni i jam lini le a nti bo nkoñ, nyen man mee a bi kene i ngén ini le, i yoñ sat u nyi, yon u tôgbege. A kéné ki i ngén ini le, ba nkés bé mbog i ngii mbog. Hala wee a kôm bañ Hi1ô1ômbi mbus to biniigana gwé inyuule a son njonog, a yi habé i kel Njombongo a loo.

Hilôlômbi a bi sayap nkoñ i man mee, a bii lihat mu. Jon ibale u nuñul biték gwoñ mut a tabé man mee, i mut nunu a nyoñ lihat li yé biték Hilôlômbi a bi ti bôt ba kôba.

Yaônde, 26 hikañ 2009

Nkam Pondi Pondi

http://antoinepondipondi.blogspot.com

HEE U MBANA MANE ?

HEE U MBANA MANE ?

 

Di nla kobol i buk ini le mane ni kal le hala a yé jam mut a nnok ingéda a ntihba  tole a ntehe  tole a nnôgda  ngim yom i nne, yom i nlémél nye, yom i ñôt nye, yom i nyônôs ngôñ yé  i ke bisu. Jon mut a nla nok mane le a mbénge ngim tidii, le a nyo maog, le a ñôt singa, le a ntehe ntuk boi, le a ñañ ngim kaat, ingéda malal. Jon u nok le : man Ndôg Tjok le Njôk Mbéa Elias, a kahal laana mudaa. Ndi mudaa a kahal nok mane, nye nye le a Elias gwel me .Ndi Njôk a timbhe nye le : me gwel we, b’a me me téé ? Nye yak me me bag ma bat we le gwel me .Hala wee ingéda mut a nok mane ma malal a nkahal podba.

 

Base i sôkbôk i niiga bés le mut a mbana mane ingéda a ngwélél mambén ma Hilôlômbi. Ingéda a nke bé bilôñ bi be, ngéda a mboñ bé biyôglô bi mam. Jon i mut a mbégés mambén ma Hilôlômbi, a yé mut suhul nyuu, mut telep sép, mut a nkon Hilôlômbi woñi, mut likap, mut  nsañ, mut ngôô. I mut a nok mane le a ngwélél mambén ma Hilôlômbi, a niñ longe niñ.A yé mut a gwé mban.

Masoda ni nu a nkil hi kokok.

 

 

Yaônde, 25 hikañ 2016

Nkam PondiPondi

 

Kel i hi yek ngi jam

Kel i hi yek ngi jam

 

Di nla kobol i ngén ini ni kal le hikii kel i nyena méé mam. Hala wee kel yokiyo i ntagbe bé le ngim noga jam i gwéla bé.

            Bôt ba kôba ba nniiga bés le hikii kel i yé longe kel inyu mut, le a boñ i yom a nlama boñ. Hikii kel mut a nlama yi añ litiñ. Limom ñwee li nhôla mut   i yi añ litiñ. Hala wee mut a nlama hôlôs nyuu i jam a ngwel. Inyuule niñ i yé i mam, mut a mboma hikii kel. Jon a nlama bé hôô moo i tôl. Ingéda u ntôde, hala a nkobla le ngim nson i mbem we inyu i kel i. Jon u nog le, Puhe i Kongo, man Kongo Nkana, nye jam li puhe we, weg u puhe jo. Hala wee to ibale u bag bé nkôôbaga i boñ jam, ndi i béda le u boñ jo, u mboñ yaa jo kikii la yoñ. Ndi hikii jam li gwéé i wéé kôm kel

            Masoda ni nu a nkil  hi kokok.

 

                     Yaônde, 27 hilônde 2011

                         Nkam Pondi Pondi

                                                          

Kel i hi yek ngi jam

 

Di nla kobol i ngén ini ni kal le hikii kel i nyena méé mam. Hala wee kel yokiyo i ntagbe bé le ngim noga jam i gwéla bé.

            Bôt ba kôba ba nniiga bés le hikii kel i yé longe kel inyu mut, le a boñ i yom a nlama boñ. Hikii kel mut a nlama yi añ litiñ. Limom ñwee li nhôla mut   i yi añ litiñ. Hala wee mut a nlama hôlôs nyuu i jam a ngwel. Inyuule niñ i yé i mam, mut a mboma hikii kel. Jon a nlama bé hôô moo i tôl. Ingéda u ntôde, hala a nkobla le ngim nson i mbem we inyu i kel i. Jon u nog le, Puhe i Kongo, man Kongo Nkana, nye jam li puhe we, weg u puhe jo. Hala wee to ibale u bag bé nkôôbaga i boñ jam, ndi i béda le u boñ jo, u mboñ yaa jo kikii la yoñ. Ndi hikii jam li gwéé i wéé kôm kel

            Masoda ni nu a nkil  hi kokok.

 

                     Yaônde, 27 hilônde 2011

                         Nkam Pondi Pondi

                                                          

Yigil matjél

Yigil matjél

Matjél ma yé kôyôp malémôke ma hôm minkañ ndi mi beegag bijek ni mahindi ma bipog bi nyuu. Matjél ma gwé malémôke ma mpôp, mon ba nsébél le plasma. Mu nyen matjee ma matjél ma niñil lôñ ni bijek bi minsôn. U gwé ki malémôke ma mbagla ni matjél ingéda matjél ma maba. Mon ba nsébél le sérum.Malémôke nunu a yé kikii plasma ndi a gwé bé bijek bi minsôn. Malémôke nunu nyen a nhôla i léba ngandag makon. Nyen a nhôla likep  makele hala wee matibla ba mban mut, to nuga, to hiobi yañ le béba kon i gwel habañ nye tole i tibil ngim makon.

Yigil matjél i nhôla i yi too mut a gwé matjél ma kon (séropositif) tole matjél ma mbôô (séronégatif). I jam lini li mbôña i toga. Li mboñ ki le ngi-yi i sôs le mut a hémle habañ baboo. Jon mut a nlama bé waa nigil inyuule yi i ngi kônde i nteg bé mal.

Yaônde, 29 hikañ 2010

NkamPondiPondi

http://antoinepondipondi.blogspot.com

KOLA

KOLA

Di nla kobol i bug ini ni kal le ingéda liniñig li mut, bilem bi mut, mahoñol ma mut, ligweleg li mam li mut i ke bisu bi mboñ le ba nti i mut nunu lipém le mpééna a tabé. Jon u nog le, keken i mpag bé nwet. Hala wee isoñ a wo, u yégla ; manyuñ a wo, u yégla ; biyégla bi mpag bé nwet. Inyuule i gwom bini u nyégla, u nsôñna bé gwo ni mut numpe. Gwom gwoñ bi. Jon u kôli i yégla gwom bi isoñ ni gwom bi manyuñ. Mu i njel  i nyen u nog le, ntôô man mayiha ma isañ. Hala wee i man a mboñ mintôô mi mam nyen a nyiha isañ.Nyen a kôli i ba i ño isañ.Mut a nla ki ba le i mam a mboñ, bi nkola nye. Jon u nla nog le bitamb bini bi nkola nye i ke bisu.

Ingéda u nog le, maange a kôli ni ndôm.Hala wee i mam mabe a mboñ ma nti mbagi le ba kokse nye. Ingéda u nog le i mut nunu a kôli ni tel i mbombog. Hala wee libag jé, bilem gwé ni liniñig jé gwon bi mboñ le loñ i ntep nye le a yila mbombog. Nwet bum a kôli ni ngaba keñi. Jon u nog le, nwet likañ ni nkek bie keñi. U nogog ki le, nkégél a tabé ni kidig pa.Hala wee mbôgna a nlama bé bana bikidig bi mam.

Jon mut a sal longe, a noñ hi kokok le a kôli ni lipém ba nti nye, le a kôli ni tel yé i ke bisu.

Yaônde, 23 maye sép 2009

NkamPondiPondi

http://antoinepondipondi.blogspot.com

 

B' A NIÑ I GWÉÉ NGIM NSEÑ?

B' A NIÑ I GWÉÉ NGIM NSEÑ?

Niñ i yé maboñog monasôna, libag ni mahoñol,ma tihba bés. Jon lihaa, nson, sukulu, gwéha, ndutu,.litug mban, nyemb, ni mam mape bi yé i kété nin.

Nseñ inyu mut i yé kii ?

Nseñ u mpana we i ngim mahee. Mut a ngwés le ibale bo a yé rninkôm, a nla ba kunde i ôô gwom bi, bi yé nye nseñ, gwom bi, bi kon nye ngông inyu niñ yé.

I nla pam le nseñ ni ndoñol i nseñ i niñ ma yé jam jada. Kikii hi éga, mut a nke i sukulu inyu i la sal, inyu i bana nson.

Niñ i gwé ngandag ngobol i nseñ, yom i ntéénga yon i yé le u yé toi mut tole u tabé.

Yom i ntéénga i yé i pôla mahee manson ba nti me kikii bo nson i ingil, me nla neebe mahee ma nson ma, ndi me ba habéme memede tole me tjél.

Ha ika ngéda i, i nga sômbla le me noñ i njel rnemede me ntep, i ya hôla me i yônôs ngông yem.

Kii i mboñ me le, imam me pidnege ma ntjôô me?

Kii i mboñ me le, me bagba i niñ ngandag bôt i pañ yem ba niñ?

B'a metama ma la pei ni i njel niñ ini me ntep ni rnemede? .



ÔNDE, 02 kondoñ 1998
Nkam Pondi Pondi

DINOO DI MOO

DINOO DI MOO

 

1)  Hinoo hi nlôm	= le pouce
2)  Ñunda mandjel	= l’index
3)  Me nloo we ntel tole yamb hinoo	= le majeur
4)  Yanga hinoo	= l’annulaire
5)  Hinoo hi susuga	= l’auriculaire

 

 

Yaônde, 08 maye sép 2016

Nkam Pondi Pondi

http://antoinepondipondi.blogspot.com

NUGA

NUGA

 

Hala a yé hégél i nyi yom i nla lona nye nyemb ni i yom i nla hôla nye le a niñ.

 

Bôt ba kôba ba bé nol ndigi binuga ingéda ba nyi le ba nlama je nuga inyuu niñ yap, mbôô wap. Ba bé nol ndigi nhôôlag nuga.

 

Hilôlômbi nyen a bi heg binuga. Jon u nol bañ nuga ngi njom. U nol bañ binuga i lel balal ba ndamba tigale binuga bi bi tjé. U téénga bañ binuga. Jon u nok le: nuga man i kenek bé. Hala wee mut ngandag mam a ntek bé gwéla. U je bañ binuga i lel balal ba ndamba tigale u kon ngim makon. Hilôlômbi a bi heg binuga inyuule mbog bihégél i yé mbogog.

 

Bôt ba kôba ba bé sébél ki Hilôlômbi le Nkindil hisi inyuule nyen a bi ti bo yi ni pék le ba laa sal bijek gwap, le ba laa néñés bilém, le ba yi gwélél lingwañ li hisi, bie, mabui ni i gwom gwobisôna bi yé mu le ba niñ longe niñ.

 

 

 

Yaônde, 07dipos 2016

                                                              Nkam PondiPondi

http://antoinepondipondi.blogspot.com

 

 

 

 

 

 

 

Mane ma niñ

Mane ma niñ

 

Bôt ba kôba ba bé je bijek i kel ngand ngwo inyuu i unda le ba nhémble le Hilôlômbi nyen a bi heg mut binam.

I jam lini li mbagal we ni mut a nhémle sat. Inyuule pot ni boñ mam ma imaa.

Bôt ba kôba ba bé yi le Hilôlômbi nyen a bi hôla bo gwét, i jôs i bôt ba bé gwés le ba jôp i base i baôm mbom isi. I gwét bini bi bi tagbe i Ngog Lituba.

Bôt ba kôba ba bé yi le Hilôlômbi a bi heg bo le ba yé ngwélés.

Lije bijek i ngand ngwo kikii Hilôlômbi a bi kal bôt ba kôba, li nti we tohi inyuule u nhoñol mam ma lam Hilôlômbi a bi bôñôl bôt ba kôba.

Ligwelek li bôt ba kôba lini jon li bé boñ bo le ba nnog mane ma niñ. Ba bé nog maséé i ba i niñ ni niñ i ba lémél bo. Inyuu hala nyen bôt ba kôba ba bé néñés bilém. Jon hikii man mee i len ini a nlama néñés dikôô di tan di kembee, ngôi, kôp, mintômba, lolo i ke bisu.

Masoda ni nu a nkil hi kokok.

 

Yônde, 17 hikañ 2011

Nkam Pondi Pondi

 

 

L

NTEM

NTEM

 

Di nla kobol i bug ini ni kal le hala a hikét hisi hi gwé gwom bi yé nseñ ndi bi badag yi i mangui, yi i heñel ni ngap inyu i gwélél gwo i ingil. Jon di gwé ntem i kei, mamuna, gôl, muli, muye, muna, mpuma ngog i ke bisu.

Mut a mbañ minkôô mi kei, likoñ li kei, hayan i ke bisu. Mamuna ma yé ngim yom i nkena lék longe ni linyuma. Ba nla bôô mamuna inyu i ôô ngandag bisélél kikii minkôô, nkôm, mpihlôngô i ke bisu. Ba nla bañ dimbônga, dilonde, nsañ i joo, nkôm i ke bisu ni gôl. Ba nla ôô ngim bisélél ni muli kikii minkôô, hibôgôô i ke bisu. Mpuma ngog i nla kit bikei bipe kikii bo bibende, biléman i ke bisu.

 

Yaônde, 22 biôôm 2009

     Nkam Pondi Pondi

NSINGA MAPUBI

NSINGA MAPUBI



Mapubi ma nke ngwéé ngandag. Ngwéé i mapubi i nyiba. Ngwéé i mapubi i yé 300 000 km/s. Bindoñ bi mapubi bi mpam ngim jomb. Hikii jomb li gwé ngim lék i, i nuk noñnaga ni nañ liké li ndoñ.
Jon mut a mbañ nsinga i mbôô kikii léman, tômblô, pô­­­­­­­­­­­­­­­­­­­­­­­s i ke ni bisu. I nsinga yom i mbôô kikii léman, yon ba ngwélél inyule i nwas bé linyuma to hop le bi pam tole bi nyaanda i ke ni bisu.
Nsinga mapubi i yé mbañag ni yom i mbôô kikii léman. I nsinga mapubi ini won i nkena mapubi hala wee mapubi ma nke munu ikété i nsinga ini.
Nsinga mapubi i nhôla le bitidii bi nkuu bitidii bi pala ke, bi nene longe, le hop u pam longe i nkuu bitidii ni i nkuu mahop, le we ni mut ni añal longe to hee u yé ni nsinga i woo i ke ni bisu.
Ibale bo ndi nsinga mapubi i nla bana ngandag njanjat i nti mapubi ma nene nlélém, u nla gwélél i nsinga mapubi ini mangaa, i ingil, i njômbi,i yi mbogog i niñ, matibla ma ngim makon kikii bo likan jis, likan ngim njok suguu i gwélél i muda, i boña mut i ke ni bisu.


Yaônde, 16 maye sép 2008
Nkam PONDI PONDI

 

Mut a bép we nyik, wek u bépnyensas i tôñ

Mut a bép we nyik, wek u bépnyensas i tôñ

 

Di nla kobol i ngén ini ni kal le mut a mboñ we béba, yag we u timbhe nye béba. Hala wee mut a  mboñ we béba jam, yag we u saa béba. Jon u mpun.Hala wee u nsoman bé i mut nunu. U mbemb bé le bôt tole bikéhene bi ntoñol i jam li bôña. U ntehe le i jam li lisôk ha. U mélés jo ha bitéé bi lôñ. Ndi u hôya le ibale bo ndi bôt ba toñol i jam li ngwéla, i nla nene le we nyen u nsuu. Jon u nog le, me ngwés le mut a tôp ,ndi me nwot. Hala wee u nsômbôl le mut a bôg a suu we, ndi waga unda nye njee u yé. B’a mut a nlama pun nyemede? B’a mapuna ma yé ngim mbén le loñ i neebe?

Yom mut a nlama yi, yo ini le, ibale mut a mboñ we man jam ndi u timbhe nye, u yi le, u nlama bemb basoso ba mam. Inyuu hala nyen malép ma nyégle bé i ngii dikôa, yag mapuma ma nyégle bé i ñem i mut a yé ngwélés.

Hilôlômbi a nkal le nyetama nyen a kôli i pun. Jon mut a timbhe bañ béba mut a mboñ. Loñ yokiyo i neebe bé le mapuna ma yé ngim mbén. Jon ingéda mut a mboñ we béba, u soman nye. Bakéés ba wan, ba toñol ndi to ba nkokse i mut a mboñ we béba. I loñ i mbok mam mé, bon ba loñ ba nyi le mbén yon i ñane bôt bobasôna.

 

Yaônde, 13 hilônde 2009

NkamPondiPondi

http: //antoinepondipondi.blogspot.com

 

 

NUT I LAAKÔP I BOÑA NI I POÑOS NKAK

NUT I LAAKÔP I BOÑA NI I POÑOS NKAK



Boña ni poños nkak ba yé nhôôbaga ni laakôp. I laakôp ini i yé mintén miaa. U gwé laakôp i mbégdé i i nlet i nlel bini bibaa. Ba nsébél yo le dure-mère. I ñem kété u gwé laakôp i mpôna ndes libôblaga ba nsébél le arachnoïde ndi u gwé ki laakôp ba nsébél le pie-mère.

Ingéda dimamana dipoga di niñ di njôp i laakôp i boña to i laakôp i poños nkak, laakôp i nnut. Mut a mbôdôl lo bilôô, a nye bahal, ño u nsii nye ndigi wee i nlo bôô, a nnog njôhge i bôbôg ni i joo.

Ba nlama pala kena i mut nunu i ndap matibla tigale dimamana dipoga di niñ di njôp matjél, wee nyemb i nkoode. I mut nunu a nlama yén i ndap matibla le a kôhna bee bi njôs i kon unu.

U nla semba i kon unu ibale bo ndi u kepba.






Yaônde, 01 mpuye 2007
Nkam PONDI PONDI