samedi 15 mars 2014

LIBAK LI POM



LIBAK  LI  POM

Di nla kobol i buk ini le libak ni kal le hala yé yom i nom. Di nla kobol i buk ini le pom ni kal le hala a yé yom i yé yada, i yé yotama, i yé yotama libak jé. Mu i njel i nyen di nla kal le yada ni hinoo.
          Bôt ba kôba ba nniiga bés le Hilôlômbi a yé ndigi nyetama, a yé ndigi wada.Kii Hilôlômbi a nheg ngii ni hisi,a yis bôt ba kôba le a yé ndigi nyetama. Jon bihégél Hilôlômbi a bi heg, gwobisôna bi yé ndigi wada. Kii hala a nkobla le hégél i yé yada ? Lelaa hikii hégél i ntemna we yak Hilôlômbi nu a yé wada?

Yom di nyi ni tehe, yo ini le, hikii hégél i pôna bé tjelestjes ni hégél i pe, i pes maông,  i pes bilem i ke bisu. Hala a ñunda bés  le Hilôlômbi nyen a yé Nwet Mbog inyuu hala nyen bihégél gwobisôna bi yé isi ane yé inyuule nyen a nheg gwo. Hala a nlôl i pék Hilôlômbi. Jon ba nsébel nye le Batuupék inyuule hégél to yada i nla bé bana pék kikii Hilôlômbi.

Mut a nhémle Hilôlômbi a nlama ti Hilôlômbi lipém, a nlama ti nyemede lipém ni bégés mambén ma Hilôlômbi.
Masoda ni nu a nkil hi kokok.


Yaônde, 25 matjel 2014
                                                                                                                            Nkam Pondi Pondi
http://antoinepondipondi.blogspot.com




LIPA ÑO



LIPA ÑO
            Di nla kobol i buk ini ni kal le hala a yé ño i njo sañ i ba i ngii miño mi mpe.Mu i njel i nyen u nla nok le i maange nunu a mpa ño hala wee a mboñ bé mam kikii bana boonge bape ipes i ta bé longe.
            Lipa ño li yé longe inyuu mut a ngwés bé yin,mut a nhôô bé moo i tôl,mut a ngwés ke ni bisu le a ñôô bisélél gwé,a mbañ bee gwé,a nsal bijek gwé,a mbañ moni wé inyuule moni bijôñ bi bôt,bayi jam bon ba ngwélél nye,mut a mpot maliga i ba bé nye i kon woñi,mut a mboñ mam ma nkôhna litén jé maséé,li nti loñ yé makénd i ke bisu.Hala a yé nlélém inyuu litén,loñ i ke bisu.Bibôdlene bi kunde bi.  

                                                   Yaônde,22 matjel 2014  
             NkamPONDIPONDI

                                                                                                                          



BA MBOMBOG BA NDÔG TJOK I BÔDÔL YAK BASÔNG BA NKUU (MBOG MABUI)



BA MBOMBOG BA NDÔG TJOK I BÔDÔL YAK
BASÔNG BA NKUU
(MBOG MABUI)
1-   Basông ba Nkuu
2-   Mayémi ma Libong (lôg Basông  mbaï Manjak) nyen Jaman ba ti kôdi ndi a ti yo Matip ma Ndômbôl
3-   Tônjé Mahanga Mbénga (Log Basông  mbai Manjak)
4-   Njôk Nyemb (lôg Basông mbai  Ngibasal)
5-   Mbom Yembel (Lôg Basông Mbai Ngog  Mapubi)
6-   Likéng li Yuk (lôg pénda mbai Lipombe)
7-   Éoga Bôga (lôg Basông  mbai Ngog Basông)
8-   Pondi Mbom (lôg Basông mbaï Ngog Mapubi )
9-   Yembel Tjén (lôg Basông mbai Ngog Mapubi)
10. Likéng li Njôk (lôg Basông mbai Ngibasal)
11. Nkôghe Njôk Nyemb (lôg Basông mbai Ngibasal )
12. Batamak ma Tjok(lôg Pénda  mbai Miloo)
13. Cwét bi Nkôghe (lôg Basông mbai Ngibasal)
14. Njeb li Njok (lôg Bôpsi mbai makômôl)
15. Balegel ba Tjébi (lôg Bôpsi mbai makômôl)
16. Ngijôi Likéng li Yuk (Lôg Pénda Mbai Lipombe)
17. Mangele ma Libong (lôg Pénda mbai Lipombe)
18. Wayak i Gwét (Lôg Basông mbai Ngibasal)
19. Nginjel Basogog (Lôg Pénda mbai Ngog Basông)
20. Linjek li Linjek li Wéé Pubi (Lôg  Basông mbai Manjak)
21. Nyôgôk Tjok (lôg pénda  mbai Minloo)
22. Ngôs Kend (Lôg Pénda mbai lisai)
23. Balegel ba Balegel (Lôg Bôpsi mbai Makômôl)


                                                             Yaônde, 18 libui li  ñyéé 2012
                                             Nkam Pondi Pondi
http://antoinepondipondi.blogspot.com