NGAP

NGAP

Di nla kobol i buk ini ni kal  le hala yé ngim ngui mut a gwé i boñ ngim jam. I ngui ini i nla ba ngui minsôn tole ngui mahoñol. Ngui i mahoñol i mbénge mut a gwé ômsing, a bak a gwé pék wee a nyoñ makidig i boñ ngim jam. Ibale i ngui ni yo i baa i mpôôna bé, mut a nla bé boñ banga jam. Jon u nok le : ñem i yé me i mpeha ndi manye mon ma ta bé.

	Yaônde, 16 dipos 2019 Nkam PONDI PONDI http://antoinepondipondi.blogspot.com

 

PII MUT

PII MUT

Di nla kobol i buk ini le pii mut  ni kal le hala a yé mut a nluñ bé ni hop. Mut lima.

	Yaônde, 30 hikañ 2019 Nkam PONDI PONDI http://antoinepondipondi.blogspot.com

 

LIBOMNA

LIBOMNA

Di nla kobol i buk ini le libomna ni kal le hala a yé ngim homa bôt ba nkodba inyuu i kwel ngim mam, i pôôna biyi kikii hihéga mahol ma loñ mee, mangand ma loñ mee, malok ma loñ mee i ke bisu. Ndi i nla pam le bôt ba kôdi ni njel nsinga i woo le mu nyen bôt ba nhogi ba ntila, bape ba podok ni njel bitidii tole ni njel hop wap ndi bana bape, ba timbhege noñnaga ni matila, hop tole bitidii i mam ba nnôgla le ba nkwélél.

Ingéda bôt ba kôdi ni njel nsinga i woo, hikii mut a yé i ndap yé tole i homa wé i nson tole i loñ yé i ke bisu.

	Yaônde, 30 hikañ 2019 Nkam PONDI PONDI http://antoinepondipondi.blogspot.com

 

NWEE

NWEE

Di nla kobol i buk ini  ni kal le hala a yé ngi nyiñha, pii, ngi hop, niya i ke bisu.

Jon u nok  le mut a yé pii, hala wee i mut nunu a mpot bé, inyuule a nlima. Mu i njel i nyen u nok le: mbog nwee, nkoñ bim. U nogok ki le:  nwee i yé gôl, hop u yé silba.

	Yaônde, 30 hikañ 2019 Nkam PONDI PONDI http://antoinepondipondi.blogspot.com

 

PEI

PEI

Di nla kobol i buk ini ni kal  le hala yé li has nyemb. Hala wee a ngi yi i niñ. A nwo bé. A ngi niñik. A bak le a wo ndi a nwo bé.

Di nla ki kobol i buk ini le pei ni kal le hala a yé i tohla. Hala wee  i nyodi i homa u bak u kôbne.

	Yaônde, 16 dipos 2019 Nkam PONDI PONDI http://antoinepondipondi.blogspot.com

 

MPÔM MUT

MPÔM MUT

Di  nla kobol i bug ini ni kal le hala a yé mut a nyi bé bok niñ yé . Hala a yé mut a nkôhle bé to bok gwom. Mu i njel i nyen u nla kal le a yé mut a nyi bé tééda liyééne jé ni mapubi. I  ntén mut unu to a bana gwom a nyi bé kôhle gwo le bi nimil bañ. Jon to a kôs la gwom, a bana bé jam. I mut a gwé nwa, a ba bañ mpôm. Hala wee a pam bañ i ndap yé i ke i niñ ni mbok i mudaa le a yék nwa ni bon. A ga  niiga ki bon? Jon a yi le bum yé i ntjé. Inyule jém yôngôô li jôp nkoda, li pam nkoda. Hala wee u niñ mpôm, i kel u nwo maéya moñ ma ntagbe ikété yubda. Jon mut a yéñ le a ba bañ mpôm mudaa tigale ba sol nye le mpôm yom. Hala wee mudaa bipôm ni mahindi. Mut a yéñ le a ba bañ mpôm munlôm. Munlôm a yi gwel nyemede inyuule nyen a yé ño ndi nwa ni bon ba noñog. Jon a yi le : kuungañ nye likôyôp, nwaa kikii maboñ. Hala wee mut a kéñ le a ba bañ nsaaba.

    Yaônde, 12 njéba 2010

Nkam PONDI PONDI

http://antoinepondipondi.blogspot.com

BASAR

BASAR

         I nwi  1973 ta PONDI Paul a yé  ñôma loñ kamalun i loñ i Zaïre. Hanyen a mboma ni yi ñôma loñ i TOGO i loñ i Zaïre. Jôi jé le NAPO Léon. I nwi i bé noñ ha me nke i sukulu i loñ i Pulasi. Ta a bat bés le di telep i tison ba nsébél le Paris i nwaa di nke i sukulu i tison ba nsébél le Lyon. Jon kôkôô yada di bé je i téblé me nnog isañ mbai NAPO Léon a nkal nwa le ti me malép. Me kal nye le a isañ mbai u yé pot hop wem. A tisbe me le to. Nye me le heni me nyen me yé pot hop wé. Me pénda nye. Nye me le a yé litén li Basaa i loñ ba nsébél le TOGO. A kônde nye Pulasi ingéda ba ba ane loñ i Togo ba nai le ba sébél litén jé le Basari. Yak bo ba nai le ba tabé Basari ba yé Basaa. Wee ba bi yiga sôk tila ni sébél bo le  Basar. A kônde ki kal le ingéda loñ yé i bi tip kôs kunde loñ yé i om nye i loñ Kamalun hala a bé i nwi 1962. A bol i Yaônde. Bilôg bi nsañ bi bi yé i loñ i Togo ba séblag nye hikii kel inyuu i bat nye le inyuu kii bilôg bi isañ Basaa ba Kamalun, ba yé i nol bo? A hoo bé timbhe bo inyuule  ba kena loñ  i Kamalun ba ti nye litôwa ni mut a nlug litôwa ni mut a ntat nye. Hanyen kel yada a bat le ba téé litôwa inyuule a nke i somb lipep li manwin. Kikii a njôp i ndap nyunga mapep ma manwin a tehe le man parison a nyéñ nye ndi a jôp bé mu i ndab i. Hanyen isañ mbai NAPO Léon a bi yi le nsohi u mbol le a yé man Basaa ni le bebeg a ngwés  boma bilôg bi isañ bi Kamalun. Jon a bi yis bilôg bi isañ bi loñ Togo le Basaa ba Kamalun ba nwo inyuu gwét bi kunde loñ.

            Litén li Basar li ôñi i ño mbog i loñ i Tôgô we ngi pam i mbai ba nsébél le Sôkôdé.

Yaônde 31 njéba 2019

Nkam PONDI PONDI

http://antoinepondipondi.blogspot.com