MINGÉN
1.
NGOG BILONG
2.
NYOBE YÉBÉL LIKUS LI NGOMB
3.
NGÔMBI LIGA NGWANG
4.
NJAP MAKON
5.
NGO POO
6.
BON BA ITONG LINGÔM
7.
NGO BISÉÉ BI NJÉÉ
8.
LIUK LI MASING
9.
NJOK MACHINE
10. MANDENG
MA BILOG
|
mercredi 3 juin 2020
vendredi 29 mai 2020
HIKOK HI JÉM
HIKOK HI JÉM
Hala a yé bijek bi bibégés bôt ba
nlémbél mudaa le a ma nembee, i unda nye le ba ngwés i jam li le a yé jém.
Basañ ngond, banyañ, nlôm ni hi mut lihaa bon ba nlémbél nye binuga ni to imbee
yom i lam ba ntehe.
Yaônde, 18 matjel 2013
Nkam Pondi Pondi
http://antoinepondipondi.blogspot.com
vendredi 15 mai 2020
LIJÔP LIKOONGA
LIJÔP LIKOONGA
Likoonga li yé kôkôp i koo. I ngéda koo i
njôp likoonga, u ntehe habé ño wé to nyuu yé. Nyin i koo won i njôp likoonga i
ngéda i nkahal sômbôl nye matjee. Hala a mbéna bôña i ngéda sép. I ngéda a nke
malogol, koo i ñoñ lijubul le u ntehe habé nye, likeñ li koo jon li nhô
lijubul. Ibale u ntihba ni hinoo, malogol ma mbôô.
Jon
i ngéda mut a njôp likoonga hala a nkobla le a yé i ndap yé tole a yé ngim homa
le a mpam bé. A nene bé.
|
MAHAA
MAHAA
|
1. Mudaa
|
|
31.
maange
|
|
2. Munlôm
|
|
32.
Likun mudaa
|
|
3. Sôgôl
|
|
33.
Linyañ
|
|
4. Ngwal
|
|
34.
lindap
|
|
5. Man
|
|
35.
Libaba
|
|
6. Nlal=iyô
|
|
36.
Yaabum
|
|
7 7. Ndandi
|
|
37.
Maaisoñ
|
|
8. Ndidii
|
|
38.
Nléla
|
|
9. Kitboñ
|
|
39.
Kap
|
|
10.
Nsas mbas
|
|
40.
Ta
|
|
11.
Mahas
|
|
41.
Iini
|
|
12.
Mbala=kôñ
|
|
42.
Majô
|
|
13.
Nyandôm
|
|
43.
Nyaa
|
|
14.
Ngond
|
|
44.
Nkômba
|
|
15.
Nwa
|
|
45.
Nsombo=mbom
|
|
16.
Nkil
|
|
46.
Boñ kéé
|
|
17.
Nkiya
|
|
47.
Ta man
|
|
18.
Nyôgôl
|
|
48.
Iini man
|
|
19.
Hisomb
|
|
49.
Majô man
|
|
20.
Hus
|
|
50.
Nkil man
|
|
21.
Liôô=likaa
|
|
51.
Sôgôl man
|
|
22.
Nkol
|
|
|
|
23.
Ngwélés
|
|
|
|
24.
Njohog
|
|
|
|
25.
Nlimil
|
|
|
|
26.
Nloolo
|
|
|
|
27.
Ñôô
|
|
|
|
28.
Likil
|
|
|
|
29.
Mbom=nsombo
|
|
|
|
30.
Linyaa
|
|
|
Yaônde ,
24 dipos 2019
Nkam
Pondi Pondi
http ://antoinepondipondi.blogspot.com
lundi 6 avril 2020
NSAA, NDAMBA NI NSEÑNSAA, NDAMBA NI NSEÑ
NSAA, NDAMBA NI NSEÑ
Di
nla kobol i buk ini le nsaa ni kal le hala a yé moni tole ntéak yom mut a nti
bôt ba nson i mbus ba mélés nson wap.
Di
nla kobol i buk ini le ndamba ni kal le hala a yé libim li moni tole ntéak yom,
ngim yom i nhee.
I ngéda di nkal le ndamba nkus i
nlôô ni minsaa, hala a nkobla le ndamba nkus i ntina noñnga ni nsaa u nson. Jon mahee ma
nkus ma yiba ni mahee ma nson. Ndi lelaa u la yi mahee ma nson?
Minkus
nwomisôna mi nlôl i nson. Ngim nson i nlama
séla. I mbéda le sélél mut a ñôô i yé nseñ inyuu bôt ni ki le bôt ba nkap nson
le ngim libim li nson jon li boñ le mut a nla ôô, i sélél ini i nyila nkus. Hala
wee mut a gwé ngim ngeñ a nlama sal ngim nson i ngim kel. Inyuu hala nyen
bisélél gwobisôna bi gwé bé nlélém mahee inyuule bi gwé bé nlélém libim li
nson. I mbus libumbul, inyuu i ôt mahee ma lugna ma ngim nkus, u nlama kônde
libim li nson yak libim li nson yom i mboñ le u nla bana nkus ni libim li nson
li nkiha ni bisélél bi nson noñnaga ni ndap nson bi bi nhôla inyuu i nson u.
Jon woo u nson ni hinoo hi nson bi yé mu i nsongi i. Jon libim li nson inyuu i
bana nkus nhéñha hikii ngéda lôga ni
ngui nson i mbôña. I ngéda ngui nson i yé soso, hala nyen di mbana ngandag nkus
inyuu ngim ngéda. I ngéda ngui i nson i ta bé ngandag u mbana bé ngandag nkus
inyuu i nlélém ngéda.
Mahee ma gôl, silba,
mamuna, tole i mbee nkus ma nkiha ni libim li nson li mbéda inyuu i kôhna gwo.
Nkus i nla bet ndamba tole ndamba yé i
nla sôs noñnaga ni kikii bôt ba ntehe mahee ma nkus. Ibale libim li nkus li nkola
ni ndamba i bôm hala wee nkus ndamba yé i héli wee libim li nson inyuu i bana
nkus li kôli. Ndamba nkus i mbet tole i nsôs i bôm noñnaga ni imbee ntén nkus.
Yom lépla a nuñul isañ
wé nson i yé ngui yé nson. Jon ngeñ i nson i yé mbogog ibale bo haha bé wee
lépla a nyila nkol u isañ wé nson. Kii i yé mahee ma ngui nson ? Mut a nlama je
bijek, a nlama niñis nwa ni néñés bon. A nlama bana longe woo u nson ni longe
hinoo hi nson. Inyuu hala nyen u nla bé kal le ba saa bilépla bi baa nlélém nsaa.
Jon mahee ma nson ma nkiha ni mahee ma gwom bi bisu bi yé nseñ inyuu i bumbul,
i hôlôs, i tééda ni i kônde bana ngui nson. Jon mahee ma nkus ma nkiha ni nson
wosôna i yé mu i nkus i. Pes nson i yé i nkus i yé nson i yé nsaabaga ini pes
nson i pe i yé nson i ta bé nsaabaga. I nson unu isañ nson a nsaa bé lépla yon
i yé nseñ. Ndi isañ nson a nje bé nseñ wosôna. I nseñ ini i nhôla nye i tibil bikei bi nson, i somb bikei bi mondo, i
nuñul nkus wé biloñ bi pe i ke bisu. Nwet hisi, nwet bisélél ni nwet moni
bobasôna ba nkôhna nseñ i nlôl i nsaa lépna a nkôhna bé i ane lingwañ li wim tole i ane ligwañ li wim
li mapanga ma moni. Jon to ba mbédés minsaa mi bilépla hala a ga
suhul nseñ ndi hala a héñha bé ndamba minkus. Libañ bisélél i ane i lingwañ li
wim li ta bé i bédés nsaa bititigi gwobisôna ndi i suhul nsaa. Nseñ i nla lel
balal ba ndamba inyuule ngim mbén i ta
bé inyuu i téé nwaa. Nwaa i nseñ i nlôl ndigi ni nsaa bititigi gwobisôna lépla a nkôs ni ngeñ nson i ngim kel.
|
Inscription à :
Articles (Atom)