MAKAS MA MBOG

MAKAS MA MBOG

         Di nla  kobol i buk ini le likas ni kal le hala a yé lisuk li yom.

Makas ma mbog ma nhôla we i yi i homa u tééne noñnaga ni hiañngaa yak i homa loñ yoñ i tééne noñnaga ni biloñ bi pe bi nkoñ biték.

         Makas ma mbog ma yé ma na.

-      Likôl = hala a yé mapémél ma hiañngaa.

-      Hyôñ = hala a yé manañle ma hiañngaa.

-      Ño mbog = hala a yé mabet ma loñ.

-      Nwel mbog = hala a yé makuli ma loñ.

Yaônde, 01 hikañ 2020

Mbombog nkam Pondi Pondi

http://antoinepondipondi.blogspot.com

PÉK MAN BASAA

PÉK MAN BASAA

1)   Dingagana

2)   Panapô

3)   Mbog

4)   Ngé

5)   Koo

6)   Bingéngén = mangén

7)   Bikôbe

8)   Um

9)   Njangumba

10)     Kôñ

yaônde, 04 biôôm 2019

Nkam Pondi Pondi

http://antoinepondipondi.blogspot.com

LITOP LI ÑEM

LITOP  LI  ÑEM

            Di  nla kobol  bibuk  bini ni kal  le litop li  ñem li yé  gwéha, li yé nsañ, li yé liada, li yé nwee  ndi li bak ki niibe i kété  maliga ni  ômsiñ.

        Mut  a nlépna ni litop li  ñem a gwé i gwom bini gwobisôna le gwéha, nsañ, liada, nwee, niibe ikété maliga ni ômsiñ

         I  mut a gwé litop li  ñem bot yé ñem i kété bôt i  yé le bôt ba bana bilem gwé.

Yaôunde, 25 hilônde  2020

Nkam Pondi Pondi

http : // antoinepondipondi.blogspot.com

YUM

YUM

            I ngéda kôba a bé le kahge. Hala wee bôt ba bé ke nson u kahge yak kaa. Yon di nsébél hanano le, me nke i nson u yum yak kaa. Kahge i bé le banga bôt ba bé nanga i nson unu i ngéda sép. Bôt ba é, ba kôlôl, ba sal bijek. Ba nlo mbôdôl nson kekela, i pam i ngeñ i aa. Ba nje kembee ni bijek bi pe.

Tééda longe. Bijek bi le gwôô, bi nséla i wé wom, makondo i wé wom matop i wé wom.

I ngéda kôba a bé le ibale we ni mut (nwa woñ to nlô woñ) ni salag bijek ndi a wo i ngéda u mbumbul, u nti bawoga, u ntéé masôô, u mboñ njôngô ndi u kee u kôp masoñ we bo le, ni kena bañ me bijek.

Yaônde, 01 hilônde 1983

PONDI PONDI

http://antoinepondipondi.blogspot.com

NJÉK

NJÉK

            Likañ li bé le njék. Ba bé kop jo nkobok le mut a nkop njék len.  Banjénjéga ba nlo. Ba nkena we. Njék i bé ke nkus. Ba nkena we i yap (e i), mu nyen ba nlômbôl yo, u nkek yo, u nup mbabi yé. Ba nubga we lilañ li njék. Mu i njék i u ntôp njék ni mbog  yosôna dilo bôô. Jon ngén mee le : bôô i nlel bé likañ.

Mu i kété i yon i bé le: ibale mut a mboñ jam libe (to wip), ba nyek njék. A nyek u nok le mut a mpoda njék tole a nkônd njék.

Yaônde, 01 hilônde 1983

Pondi Pondi

http://antoinepondipondi.blogspot.com

NGAMBI

NGAMBI

Ngambi   i  bé ngim yigil. Ngambi a bé mintén mi aa.

Ngambi disee:	Ba mbôl  yo ni bikôgôô bi ka.
Ngambi isi :	Ba ntjo dihô  ndi ba kahal kidil tjo. Ibale u mbôña gwégwéé  wee haana, bibubudi wee haana ki.

Ngambi likoñ tole ngambi  nkwade: u gwé likoñ  li  ngambi, u nkit mabui, u tjal ndi u nkahal bép likoñ ni  mbamba. Ibale mbamba i ñadbe we likoñ, wee béba. I adbe bé wee lilam.

                                                         

                                                                Yaônde, 01 hilônde 1983

                                   PONDI  PONDI

                                  http://antoinepondipondi.blogspot.com

MUNKEL

         Ibale   isoñ a  nyék  kikii hihéga bon bôôlôm baaa ndi a bii, a nti bo minkomba. Ibale a nwo ndi nkat bum i pam, ba nkal le ini ndap i gwé bôt kikii   sém, kikii kaa, i yé ndap bikôkôô ini. Ibale ndap yada i nyégle ni miñôô le ba nkeneg bé  mabii, ba mbénge le miñôô  mi ngwal bé man munlôm. Ibale man munlôm a yé mu, ba nkal le i ndap bikôkôô i, i ta bé nso. Wee i   nwet a  nyégle nwet mbai a tééda gwom gwé ndi kikii a yila a timbhe  i  man nu. Ba béhe nye le gwom gwéé bé bi, ibale mindañ mi nlo mu.

         Munkel a yé ndap bikôkôô i nyégle ndigi ni miñôô, to balal, man munlôm  a ngwé bé mu. Hanyen ba nti bo le kikii  héga ntôô man a nyégla ba tan, nwet a noñ ha, i baa.

                                                                Yaônde, 01 hilônde 1983

                                          PONDI PONDI

                                  http://antoinepondipondi.blogspot.com