MUUTADA
Hala wee i mbus tada, yom i pe i
yé nyoo, nkoñ i pe i ke bisu. Nu a ta bé
i niñ a yé nwoga. A mal jôp nyoo i muutada i homa niñ yés i ta bé. Bôt ba kôba ba
bé yi le biyééne bi yé i mbus nyemb bibaa. Béb yééne i yé homa njôhge ni ndutu
i mbus nyemb, nyen ba nsébél le muutada, nkok hindi. I mbus nyemb yééne i pe i
yé longe nyoo nyen u ñada babôk, ba yé longe yom inyuule ba
ntat ba yômi. Babôk ba yé bôt ba nwo. Ndi nkugi i yii ngi nihma lôñni bôt ba niñ
inyuule i ngida témbék ni mbus mangéda mahogi. U nok le a nsés mut tole a ntagbe homa i bet ba ntehna. Nwet a ta bé longe inyuule a nsés bôt, a boñok mam
ma ntéénga bôt ba yii i niñ, hanyen ba ntôô nye i muutada, i homa a yé le a nla
habé témb ni mbus. Nyoñ i yé nkugi i ngi pék. Jon u nok le: mut a nyilna bé mut nyoñ. Hala wee
ibale mut a nwog bé a nla bé yila nyoñ.
Yom u nlama tééda, yo ini le, mut a nyi bé bisu bi mbog. Hala wee mut a nyi bé mam ma yaani nu a ñye. Hilôlômbi nyetama
nyen a nyi yaani ni nomaa.
Yaônde,
13 maye sép 2014
Nkam PondiPondi
http://antoinepondipondi.blogspot.com
Aucun commentaire:
Enregistrer un commentaire