INYUU KII MUT A NLAMA
YÉÑ I YI NYEMEDE?
Di nla kobol
i buk ini le yéñ ni kal le
hala a yé i heñ i léba ngim yom tole ngim jam i ke bisu.
Di nla kobol i buk ini le yi ni kal le hala a yé i tééda i boña, hala
a yé ngui noga.
Ingéda mut a nyeñ i yi
nyemede hala wee a nyéñ i sélés boña wé, hala wee a nheñ le a ba bañ mut yengi,
hala wee a ngwés bana bôdôl ñem, hala wee a ngwés bé hôô moo i tôl i ke bisu.
Yon u nokle : mut a mmal bé yi. Hala
wee u nlama ndigi nigil hingéda. Mu i njel i nyen u nok le : yôi a kal njé, nye a njé kéé, béñba ibale u
béñba bé kindba. Hala wee liyéñ yi wemede
li nhôla we i yi bilem gwoñ bi lam ni bi be. Hala a nhôla we le u boñ bañ dihôha
inyuule u ñemble bé maéba ma bôt bape. Jon u nok le: me nyi a pamna tjibi mbédgé ngand. Hala wee u nlama bana suhul nyuu.
Ingéda mut
a nyéñ i yi nyemede hala a nhôla nye i yi gwel nyemede ingéda
jam li mpam. Hala wee a nyi ane nyuu yé. A mpot bé to
laa, a ngwel bé jam to laa to laa inyuule a nsélés boña wé i pes mahoñol ma
nwee, a nyi nôgda i yom a mboñ i ke bisu.
Ingéda mut a nyéñ i yi
nyemede hala a nhôla nye i yi bok niñ yé, hala wee a yé mut a nlôôs bé ngéda yé
biyôglô bi mam, a niñ ni gwéha, ni maséé ni pék. A ntjél njôñ, tama. A nyi nwéhél
i mam bôt ba mboñ nye. A ngwés mut wé libôk kikii nyemede ndi a nogok ki nye ngôô. A mboñ bé mut numpe béba. A mboñ mam
ni ñem nlam. A nyi yoñ njôhge i mpémél nye to ndutu i mpémél nye. A
nyi le wañ i ta bé linyañ hala wee
hikii mut a yé nseñ. Jon linyañdi
li ta bé longe. Longe i mboñ nye le ñem u
ba maséé. A nsélés boña wé inyuu i boñ le kiñ yé ñem i kéés bañ nye. A yé maséé ni
i yom a nkôs, a nyéñ le a nimis bañ yo. A nyi le mbén
i yé i ngii bôt bobasôna. A nyi ki lelaa
a nla tjél i yom a nkôs.
Ingéda mut a nyéñ i yi
nyemede, a nyi le hikii kel a nlama bana mahoñol malam. Hala a
pamna nye le nyemb ya kôhna bé nye woñi.
|
Aucun commentaire:
Enregistrer un commentaire