HISON

Di nla kobol i buk ini ni kal le hala a yé libak li mut a mboñ jam a lamga bé boñ ndi  kikii a nyi hala , ndutu i ngwel nye ñem. Hala a  mboñ nye le a kon hison inyuule a ntehe le a nimis lipém jé, jon kiñ yé ñem i nkéés nye. A gwé habé makénd bisu bi bôt bé ba lihaa, manwanda mé, biyina gwé i ke bisu. Inyuu hala nyen hison hi gwé nye noñnaga ni liboñog jé li jam le a nkand  kuu, i jam a mboñ li yé bisambô, li nsuhul nye bisu bi bôt bape, li nlona nye wonyuu,  li mbôk nye makiya i ke bisu. Mut a mbénge le a nla bana bisol jon a ntjél yoñ hison le a ti ho ngwo. Hala a yé lem i mut a yé  ngwélés le a nkon hison ibale bo a nke i njel i yé nkoda.

Yom di nyi ni tehe , yo ini le, ngim bôt i bi yoñ hison , ba ti ngwo. Hala wee ba yé bôt ba niñ ndi ba nyi bé hison. Ndi nseñ hison i yé le u  kil hi kokok.

Mut a nkon hison to mut a nwo nyuu hala a nla ba ngim libak. Hala a yé mut nu a nkandal bé nyuu. Mut nu nyen a nla bé pot i ti  bôt to ibale bo i jam a mpot li yé señ, li yédék ki inyuu bôt a nkal jo. Ngim kai yada ba nsébél le kon hison, ibale u ntihba yo, tjai tjé di nsudi. Hala nyen mut a nkon hison ingéda a ntelep i ti, nyuu i nsôs nye, yi i mal nye, makénd méé ma mal.

Yaônde, 03 matôp  2014

                                          Nkam PONDI PONDI

                                                                http : // antoinepondipondi.blogspot.com