MUT A SÔNI

Di nla kal le hala a yé mut a niñ nyetama, mut a mboñ mam ma mbénge nye nyetama, mut nu a nhee bé mahôla ma mut nyekinye to nye a nti bé mut mahôla i ke bisu. Mut a sôni a yé mut  a nnima, jam li mut mumpe li ntéénga bé nye.

Mut a sôni b’a hala a yé ngim niñ? B’a i yé ntéyak le mut a niñ nyetama ? Yom di nyi, yo ini le, mut a nje njék ndi mut a nje bé loñ. Hala wee mut a niñ i ngim ndap bôt, i ngim litén, i ngim loñ i ke bisu. Hala a nkobla le ndap yé bôt i mbat nye ngim mam le a nlama boñ, litén jé li mbat nye mgim mam le a nlama boñ, loñ yé i mbat nye ngim mam le a nlama boñ i ke bisu. Man mee a nyi le woo wada u nkañ bé jomb. A yik ki le, isoñ a yék, weg u yék. Inyuu hala nyen mut a nla bé niñ nyetama, a nla ndigi ôm minkañ ingéda a niñ ni bilôg bisañ, mawanda mé i ke bisu.

   

Yaôndé, 05 mpuye 2014

NKAM PONDI PONDI

http://antoinepondipondi.blogspot.com