TJIIMBE
Ingéda mut a nhép, jôl jé li nyon ni
mbuluk. Inyuu i kéñ le i mbuluk ini i
kee i yam mayoo mandjel ma lihép nyen mahuu ma jôl ma nsal nson. Ma gwé dipog
di mpémés ngim nkame ba nsélél le mucus tole morve (libom) i ngwel libim li
mbuluk li yé i ngoa. I mbuluk ini i nke hisañ i bon ba mom. Hisañ hi nkok, hi mpôôna mo ndi
hi pémés mo. Ndi i nla pam le ngim dikét
di yé mbôm tole di yé i babaa dipog. Dikét di mbuluk dini di nla bé yégle
nwii mi môl. Hayen nyuu yés i nyéñ i
pémés tjo ni njel tjiimbe. Hala a yé i pémés ngoa ni ngui i nyo ni i
jôl. Mut a nla tjiimbe ngélé yada tole ngandag ngélé inyuu i pémés mis ma
mbuluk mi yé yédék. Ndi i ngéda mi nnai mut a nlama hem jôl nyemede inyuu i nés
nwi mi jôl ni bisaha. Inyuu hala nyen u nok le :tjiimbe i nkédna ni nsul.
Hala wee mam imaa ma ngwéla keñge yada , ntôñ wada, ngem yada.
Yaônde, 29
libui li ñyéé 2014
Nkam Pondi Pondi
Aucun commentaire:
Enregistrer un commentaire