NOMBA BÔÔ

NOMBA BÔÔ

 

Bôt ba kôba ba bi yimbe le ngop man munlôm i nkwo i mbus dilo di tan. Ngop man mudaa i nkwo i mbus dilo di na. Ingéda u nyoñ nomba i tan u kônde nomba i na hala a nti we nomba bôô. Jon u nok le: likañ li nlel bé bôô. Hala wee ibale bo ba ñyek njék, i mut a mboñ béba, njék i ngwel nye i nwaa dilo bôô. Hala wee a nhoo ba njék. Inyuu hala ki nyen ingéda mut a nwo, ba naña ndumb yé i bôdôl dilo bôô. Ibale bo ba ntibil munlôm ni mudaa likaa, ba ñôm hikii wada wap mbom ntômba ngélé bôô isi libum. Jém li mudaa li nnom sôñ bôô ndi to a gwal. Mudaa a mbegee man ikété libum jé sôñ bôô. Mudaa a mbegee niñ sôñ bôô. Bôô a yé hikoda hi nkôt nyoo. Nyuu mudaa i gwé matuba bôô yak nyuu munlôm.

 

Yaônde, 03 matôp 2016

    NkamPondipondi

http://antoinepondipondi.blogspot.com