dimanche 28 février 2016

ÑEM WON U NKAP NKÔNÔ




ÑEM WON U NKAP NKÔNÔ

 

 

Di nlakobolingénininikal le hala wee mut a mboň jam li liňundagwéha a gwéé. Hala wee anlamaboňlonge, a nyilhalaingéda a ntambéilonge a mboň. Ingédaňeminsidanye, wee a mboňbéba. Njelyadaiyé le a yéňiyimambén ma Hilôlômbi. Njelipeiyé le aemblemahoňol ma bôtbapeinyulewada a kolmbada, ibaabakolinhôôlag. A waabaňsélésboňawéinyuuleyiingikôndeintegbé mal. Hala wee mut a nigilngimyéniň.Ntel a yéiniň, a nlamakôndenigilinyuulemut a mal béyi. Mut a ta bé Mal yi ndigiHilôlômbinyetamanyen a nyi mam momasôna. Jon a nlamayikiiiyékundenikiiiyékila. Anlamabéhôya le hikiihégélHilôlômbinyen a bi heg ho, a bagalbaň hop le a hôya le njéi ti, hisééi ti ikebisu.

 

                                                                                  Yaônde, 17 hikan 2015

                                                                                  NkamPondiPondi
                                                                       http:/
 
 
 
 
 
 
 
 
 

 

 

SEHLA ÑEM


SEHLA ÑEM

 

Di nla kobol i buk ini ni kal le hala a yé mam ma ntagbe i boña woñ i nya i yé le u nla bé gwel mo, mape ma ngwel nyuu yoñ ni mahoñol moñ i nlélém ngéda, mape ki ma nlôl ni mam ma  ntagbe i homa u niñ. Jon sehla ñem i ntôdôl mahoñol moñ, i nhéñha su woñ ni i njel ini le u nla unup i nya ngéda  i bôt ba nyi hala yak ingéda u nnok njiiha le u  mboñ  hihôha tole u nyi habé i njel u nlama noñ. Su i nhéñha ki we ingéda u yé maséé tole  ingéda u yé nyonog ni gwéha. Sehla ñem i  nhéñha nson u boña. Inyuu hala nyeñ mahoñol ma nwee ma nhôla mut le a yi sehla yé ñem,  a yi gwel sehla yé ñem inyuule sehla ñem i tabé béba  ndi we  nyen u nlama yi gwélél yo hala wee u nlama yi yo ni i njel ini le sehla ñem i nla unda we banga yoñ libak. Hala a mpamna we i bana bôdôl ñem. U nlama ba mut suhul nyuu. U nlama yi hee sehla ñem i nlôl inyuule ngim sehla ñem i ngwé, i niñ ndi i wo . Joñ u nlama yi  gwel wemede.

 

Yaônde, 06 hikañ 2015

Nkam Pondi Pondi


 

NIÑ I GWÉ BIKILA


NIÑ I GWÉ BIKILA

Mut a nlama niñ ikété maséé kikii Hilôlômbi a yé ikété maséé, ikété mane. Jon mut a nlama nwas ni lep nduña ni béba inyuu i noñ i njel Hilôlômbi, i ba isi pabai i Hilôlômbi. Hilôlômbi a ba liaa joñ, u noye i tôl Hilôlômbi, u gwel Hilôlômbi, Hilolombi a kena niñ yoñ.

Bikila hala wee minwaa mi yé i mam momasôna. Mut a nlama bé lel balal ba ndamba. Hilolombi a bi ti man mee mambén. Hilolombi a bi ti mut pék iyuu i yi tep longe tole béba.Jon mut  a nlama yoñ tat ni muutata inyuule a sal ngandag , a bumbul ngandag i nkoñ bawoga, a sal bé yom, a bumbul bé to yom a i nkoñ bawoga.

Hilôlômbi nyen a bi heg mut, a ti nye yi ni pék le a yi gwélél mambén ma Hilôlômbi.

 

Yaônde, 01 dipos 2015

NkamPondiPondi

MONI BIJÔÑ BI BÔT BAYI JAM BON BA NGWÉLÉL NYE


MONI BIJÔÑ BI BÔT BAYI JAM BON BA NGWÉLÉL NYE

 

Di  nla kobol i ngén ini ni kal le mut a nlama yi gwélél i moni a nkôs inyuule moni mi yé longe  inyuu  i hôla we i somb gwom bi yé we nseñ inyuu niñ yoñ, i yônôs ngôñ yoñ. Moni mi nlama kiiña i nya i yé le ibale u nkwo nkaa, u nlama saa i mut a net we nkaa ni moni .Moni mi nlama bé  yila ngim sat, moni mi nlama bé yiha mut, mi nlama ndigi ba ngim yom i nhôla niñ i mut inyuule ngôñ mut i gwé bé nwaa. Béba moni i yé moni bitek. Loñ yoñ i nlama bañ moni wé ibale bo i ngwés ba kunde. Mut a nsal a kôli bana nsaa wé. Jon u nok le:nkol ni môô i gwep. U nogok ki le ; ngwel kôp ni biloo.Nseñ moni i yé le mut a yônôs ngôñ yé , mut a niñ longe niñ . Moni mi nla boñ le mut a niñ longe niñ ni mut wé libôk. Moni mi nlona mahol ingéda mut a nyi gwélél nwo. Moni mi tabé yom le mut a ntééda. Moni mi nlama sal.

 

 

                                                                                Yaônde, 17 hikañ 2015

                              NkamPondiPondi     http://antoinepondipondi.blogspot.com

 

 

LELAA U NYI LE U NHÉMLE HILÔLÔMBI ?


LELAA  U NYI LE U NHÉMLE HILÔLÔMBI ?

 

Ingéda u nyi le u nkena bé mangaa bisu bi Hilôlômbi nyen u nhémle nye. Hala  wee u nkon nye woñi. Ingéda u mbôdôl Hilôlômbi ñem ni boñ i mam a nkal. Jon ingéda magwelek moñ ma mam ma nkiha ni mambén ma Hilôlômbi. Bôt ba nyi hala linômôl joñ li mam. Inyuu hala nyen yigil yoñ ni mahoñol  moñ ma nlama ke njel yada i pamna we le u nhémle Hilôlômbi.  U nlama yi i homa u  bi nyodne  hala wee u  nla yi manoñ. U nlama ba mut a yé kunde ibabé we le u ba nkol moni, nkol ane, nkol bijek i ke bisu.Hémle Hilôlômbi wada i ta bé bun, i jam li li nlama niigana mandap ma bôt, bisukulu i bôdôl i ntôñ diséé i pam i sukulu i kek yi ni hop mee. Nkwel u yé nseñ yak matila yak mangand ni malok ma mbégés ni ti Hilôlômbi lipém ni bibégés bi kôli ni nye.

 

 

                                                                           Yaônde, 10 hikañ 2015

                                                                                NkamPondiPondi

                                                                    http://antoinepondipondi .blogspot.com

 

 

LIYI YÉN I TÉBLÉ I JE


 
Iloa man mee a bé a jôwa moo, a soohe Hilôlômbi ndi to a mbôdôl je bijek.
I nwaa u nyén i téblé i je, u nke u yoñ bijek tole ba nték we bijek.Liyoñ bijek li nkal bé le u hak i séya yoñ, u hak ki i nlélém ngéda i wagawaga.
Ingéda u nyi yén i téblé i je, hala a nkobla le u nti i bôt ba yii ni we lipém. Liyi yén i téblé i je li mbôdôl ni liyi téé nyuu yoñ. U nlama yén i nya i yéle makôô moñ ma bag we mbogog longe,mboñngo i nlama hoi, bituu gwoñ bi bag sép i ke ni bisu. U nlama hiye maboñga moñ ma woo mbeñel i ngii téblé, bipes gwobibaa biséya yoñ. Woo woñ to liboñ joñ Ii woo bi tihba bé téblé i je. Bagwal i loñ yés ba mbéna bé je ni bon bap.Hala a tabé longe jam. Inyuu hala nyen u ñada mut a nyi bé kikii a nlama je bred. Ba nkit bé bred ni hikéñ ingéda u nyén i téblé i je. Ba mbek bred, ba ñôm bé nwas i bred. Jon pô i wog, minson mi yiiga.
Ingéda u gwélél hikéñ, u ngwel hikéñ longe ligwelek le ñunda manjel a nlama bé tihba maloo ma hikéñ.Nyo woñ i nlama bé tihba maloo ma hikéñ. U nlama bé sas maloo ma hikéñ. Yom mut a mboñ yo ini le, a nheña hikéñ.
Ingéda u ngwélel tôk, u ñôt bé mbit to huwe wo. U nlama bé yônôs tôk i loo héga tigale mbit u sôbi. U nlama lona tôk i nyo woñ inyuu i boñ le u u we bañ ño woñ ngandag.
Ingéda u ngwélél nwas, masoñ ma nwas ma nlama bénge i ngii.
Bôt ba kôba ba bé bañ tôk likôl, séya likôl i ke ni bisu.
Tômblô yoñ i nlama bé ba nyonog i nya i yéle maog ma nsôbi. U nlama bé kubla maog. U nlama nyo ndék, u nték tômblô ndi u kônde ki nyo maog moñ. U nlama bé ôt maog.
Napken i je i yé yom matadga. I tabé yom ba nséhél jôl to su i ke ni bisu. Napken i yé yom ba mbii i ngii maboñ tole bebee ni séya. Napken i nla hôla we le u sas nyo woñ ilole u ngwélél tômblô yoñ. Ingéda u nyodi i téblé i je, u nyék napken bebee ni séya yoñ ngi -ôdôk.
U nlama nyambaa bijek gwoñ i nya i yéle u ntéñnga bé i bôt ba yiini we i téblé i je
U nlama bé pot ni bijek nyonog i nyo. Ingéda u nje, u nyip nyo.
Ingéda u mal je, u mbii hikéñ, nwas ni tôk i ngii séya yôñ i nya i yéle yom yada munu i tabé ngii yom ipe.
U ntééda ni le, lije hobi li gwé ngim likenge kikii lije kul, péé, mala, mabem, koo, likubé, tôñ lilañ, manga, piya i ke ni bisu.
                                                                                  Yaônde, 09 libui li ñyéé 2001
                                                                                  Nkam PONDI PONDI
http://antoinepondipondi.blogspot.com