dimanche 3 octobre 2010
ÑO SII
ÑO SII
Bebee le hikii mut a ma tjelel ño sii. Ndi ño sii i mbéna ba le ngim kon yon i mboñ le ño i sii we tole boña nyemede nyen a nkon. Jon ndôn, makanba, poo hu, bijek bi nyuu yon i mbén i ke bisu bi nla ti we ño sii. Hala a nkobla le ibale bo ndi mut matibla a ntibil we longe litiblag, hisañ, mis ma ntehna bé we longe to maôô ma nténga, ño sii i nla mal . Jon inyu i boñ le mut matibla a yi i yom i nti we ño sii ni lelaa ño i nsii we, u nlama kal nye mambee makon u ma kon i bôdôl we maange. B’a ño i nsii we ingéda u nkon woñi? B’a u nog jôhge ngandag? B’a ngim mam i mboñ we le u nyi le ño wa sii we ? Tole ño sii i yé i puhe we ? Ingéda ño i nsii we, u nog lihep? Joo li nlet we? Hisañ hi nkogoo we? U ntehna bé longe? U ntéé habé makôô isi longe? U nke habé hilo longe? Ngim jiñ tole ngim bijek bi nti we ño sii? Bimbee bee u yé u yoñ u nog le ño i nsii habé we? U nyoñ laa i bee bi? U ñôt siga yañen i ngim kel? U nyo maog ngandag ni kofi? U mbéna tug i mbee ntug? U nsal i mbee nson? U nsal ngeñ yañen?
Ño sii i nla lo we le minkañ mi boña nwon mi nkon. Ndi boña a mbéna bé kon.
Yaônde, 21 dipos 2010
Nkam Pondi Pondi
http:// antoinepondipondi.blogspot.com
YIGIL MATJÉL
YIGIL MATJÉL
Matjél ma yé kôyôp malémôke ma hôm minkañ ndi mi beegag bijek ni mahindi ma bipog bi nyuu. Matjél ma gwé malémôke ma mpôp, mon ba nsébél le plasma. Mu nyen matjee ma matjél ma niñil lôñ ni bijek bi minsôn. U gwé ki malémôke ma mbagla ni matjél ingéda matjél ma maba. Mon ba nsébél le sérum. Malémôke nunu a yé kikii plasma ndi a gwé bé bijek bi minsôn. Malémôke nunu nyen a nhôla i léba ngandag makon. Nyen a nhôla likep makele hala wee matibla ba mban mut, to nuga, to hiobi yañ le béba kon i gwel habañ nye tole i tibil ngim makon.
Yigil matjél i nhôla i yi too mut a gwé matjél ma kon (séropositif) tole matjél ma mbôô (séronégatif). I jam lini li mbôña i toga. Li mboñ ki le ngi-yi i sôs le mut a hémle habañ baboo. Jon mut a nlama bé waa nigil inyule yi i ngi kônde i nteg bé mal.
Yaônde, 29 hikañ 2010
Nkam Pondi Pondi
http://antoinepondipondi.blogspot.com
Inscription à :
Articles (Atom)