HIJEEJEE MUT
Di nla kobol
i buk ini le
hijeejee mut
ni kal le hala a yé mut a nke kikii mbu
i siba. Hala wee a nke mayembe mayembe ndi a jañ.
|
mercredi 18 septembre 2019
LIÔBÔS MUT JÔI
LIÔBÔS MUT JÔI
Di nla kobol
bibuk bini le liôbôs mut jôi ni kal le hala a yé i pot tole i tila mam ma mboñ
le lipém li mut li yé ntihbaga. Hala wee bipôdôl tole matila bi ta bé maliga,
bi nhindis mut inyuule bi téé bé sép.
U ta bé kunde i pot to i tila mam ma mbénge niñ i mut
ibale bo u ntibil bé yi nye. Jon u nok le: u nup tju, u unda bé
linubul wee u nup i tjibi. Jon mbén i nkokse i
mut a ñôbôs jôi li mut numpe.
|
LIJE BIBE
LIJE BIBE
Bôt ba kôba
ba bé naña ngim likoda i pahal mam mabe kikii
bo manola, diun, minsoga, nsohi i ke bisu. Mut a nlama pahal i yom yosôna i yé nye i kété ñem. Lije minlômlak mi
bijek le ibale a nlembe, a nkôhna kokse i pam i nyemb yé nyemede i bale a mpot
bé maliga. Ba nkal we le ibale wa boñ bé i mam di nyegna a yom ini je nye. Lije
bibe yon i yé banga sangla. U ntam béba yoñ, u helba
ndi ba sayap we. Sai i nke ni ñem i lam. I nlona nsañ. Man
ma bôdôl yondo.
|
NGAP
NGAP
Di nla kobol
i buk ini ni kal le hala yé ngim ngui
mut a gwé i boñ ngim jam. I ngui ini i nla ba ngui
minsôn tole ngui mahoñol. Ngui i mahoñol i mbénge mut a gwé ômsing, a bak a gwé
pék wee a nyoñ makidig i boñ ngim jam. Ibale i ngui ni yo i baa i mpôôna bé, mut a
nla bé boñ banga jam. Jon u nok le : ñem
i yé me i mpeha ndi manye mon ma ta bé.
|
PII MUT
PII MUT
Di nla kobol
i buk ini le pii mut ni kal le hala a yé
mut a nluñ bé ni hop. Mut lima.
|
LIBOMNA
LIBOMNA
Di nla kobol
i buk ini le libomna ni kal le hala a yé ngim homa bôt ba nkodba inyuu i kwel
ngim mam, i pôôna biyi kikii hihéga mahol ma loñ mee, mangand ma loñ mee, malok
ma loñ mee i ke bisu. Ndi i nla pam le bôt ba kôdi ni njel nsinga i woo le mu
nyen bôt ba nhogi ba ntila, bape ba podok ni njel bitidii tole ni njel hop wap
ndi bana bape, ba timbhege noñnaga ni matila, hop tole bitidii i mam ba nnôgla
le ba nkwélél.
Ingéda bôt
ba kôdi ni njel nsinga i woo, hikii mut a yé i ndap yé tole i homa wé i nson
tole i loñ yé i ke bisu.
|
NWEE
NWEE
Di nla kobol
i buk ini ni kal le hala a yé ngi
nyiñha, pii, ngi hop, niya i ke bisu.
Jon u nok le
mut a yé pii, hala wee i mut nunu a mpot bé, inyuule a nlima. Mu i njel i nyen
u nok le: mbog nwee, nkoñ bim. U nogok ki le: nwee i yé gôl, hop u yé silba.
|
PEI
PEI
Di nla kobol i buk ini ni kal le hala yé li has nyemb. Hala wee a ngi yi i
niñ. A nwo bé. A ngi niñik. A bak le a wo ndi a nwo bé.
Di nla ki
kobol i buk ini le pei ni kal le hala a yé i tohla. Hala wee i nyodi i homa u bak u kôbne.
|
Inscription à :
Articles (Atom)