jeudi 26 septembre 2013

NWET MBOG

NWET MBOG Bôt ba kôba ba bé sébél ki Hilôlômbi le Nwet Mbog inyuule nyen a bi heg mut binam, bihégél gwobisôna, nkoñ hisi, ngii, ntuye i ke bisu. Hilôlômbi nyen a nyi inyuu kii a bi heg ngii ni isi ni i gwom gwobisôna bi yé mu. Hala wee Hilôlômbi a yé nwet mbog bihégél. Jon ngii i ta bé isi, môô ma ta bé malép, lisege li ta liboo, njok i ta bé hiséé, munlôm a ta bé mudaa, u i ta bé njamua i ke bisu. Hilôlômbi ki nyen a yé Nwet mbog ndômbôl hala wee i yom a mpot i nyon ndigi, i mbôña ndigi. Mpééna a ta bé. Jon Hilôlômbi a yé Nwet mbog ndômbôl. Nwet Mbog a nkobla le Hilôlômbi nyen a yé Nwet mbog bihégél ni Nwet mbog ndômbôl. Yaônde, 21 njéba 2013 Nkam PONDI PONDI htt://antoinepondipondi.blogspot.com

Aucun commentaire: