ÑEM
Di nla kobol i buk ini ni kal le hala a yé ngim jô nyuu i
kété tôl inyuu kap matjél.Jon u nok le :ñem won u kap nkônô.Hala wee mut a
mboñ jam li,li ñunda i gwéha a gwé.Mu i njel i nyen u nok le :ñem u nwo bé
tole ñem u nkwo bé bôk.Hala wee to ibale mut a ñun,ñem i nti ndigi nye le a boñ
mam a bé boñ nye maange.Ndi mut a nla bé boñ mam momasôna ñem i ntinde nye le a
boñ.Jon u nok le :ñem nye joo njaa,makôô he isi tole nsuhlaga nye ñem i yé
me i mpeha,ndi manye mon ma ta bé tole ndap ñem i nyon bé.U nogok ki
le :ñem u nloo ngaa ngui.Kikii di mbôk kal le ñem u yé i kété nyuu jon u
nok le :ñem u yé béba likenge,to nwet ñem a nyi bé ñem wé.Hala wee mut a
nla bé yi i mam mut a nhoñol ñem wé.Ingéda u nok le ñem ñwee,hala wee nu a nluñ
bé ngandag.Hala wee ñem u nyon bé nye.Ingéda mut a nkon,ba nkal nye le a ban
ñem.Ingéda ñem u mbép habé wee mut a nwo.
Di nla ki kobol i buk ini ni kal le hala a yé kek yom tole
gwom bipe.Inyuu hala nyen u nok le ñem u buk,ntôñ u bibuk i ke bisu.
Di nla kobol i buk ini le ñem ni kal le hala a yé ngembe,hala
a yé wee libai.Jon u nok le,ñem ndap,ñem likoda,ñem njel hala wee ti i bôt i
gwé ñem kété.Ndi ngim mam i nlama bôdlene i ñem kété inyuu i yi maliga inyuule
ñem kété ngobol yé i yé le :hikii mbai i gwé wéé ñem ngii.Hala wee hikii
ndap bôt i gwé wéé nkugi bum.
Mut a mpot i ñem kété i libai,mut a nsak i ñem kété i
libai,ntuk boi i mbôdlene i ñem kété libai li mintuk tole ñem kété mbégdé
mintuk tole ñem kété wom mintuk yak masiñ i ke bisu .Mu nyen ñem ntuk i
yéne,hala wee ndéé noi.Yom u nlama yi,yo ini le :mut a ntibna bé
libai.Hala wee mut a ngwel bé jam nyetama i ti bôt.
Mut a ngwés boñ jam le li bana mahee a nlama lona jo i ñem
kété bôt.Mut a ngwés le i yom a mboñ i ba nseñ,i nôôga i ke bisu a nlama yéñ le
i yom i,i ba i ñem kété le mis ma bôt,mahoñol ma bôt ma teege i yom i ndi to
ban la yi i mbôgi ba nti yo.
Ngandag bôt i nhoñol le ñem won i ti mut mahoñol ndi maliga
ma ta bé hala.Boña nyen a nsal ndi we u nôgda yo i ñem.Ñem u nla telep inyuu
ngim ngéda ndi mut a kee ni bisu i niñ.Ñem won i yé pôla niñ lôñni i homa hégél
i gwé ñem i niñ.
Yaônde,02 matjel 2014
Nkam PONDI PONDI
http://antoinepondipondi.blogspot.com
nla
Aucun commentaire:
Enregistrer un commentaire