NDUÑA INYUU HOP LIGWÉYAG
Hikii litén li
gwé i wé hop tole i hé hilémb.
Won ba nyil nye to hee a yé. To
ba yik bé nye, ba mpala yi litén jé, ibale a mpot. Jon di nla kal le hilemb hi
yé litén. Litén li nkeñeb ibale ba pot hop litén li, ba mbôl. Li nsiib, ibale ba pot
wo ba ntôl habé. Li ntjé ibale, li pot wo mut a ta habé.
Ibale , man mee a mpot habé hop wé, a yi le bakén ba
bôt ba yi habé litén jé.
Man Basaa nu a
ntjilis bon i pot hop mee, a nol hop bassa. A ntuga ki bon bé le, bôt ba yi habé litén ba
yé bijô. Bakén ba bôda ba nlo mabii yag bon bés,
ndi ba tjélég pot hop balôm, ba ngwés bé bo to litén jap.
Hop lakii u yé mut, u ngwéé, u nhol, u nañ. Ndég
maange i nla bé pot kikii i ñem kété mut.To ñem kété mut, u nla bé pot kikii
nkoh paa hala wee nhôlag mut. Maange a
nlama nigil hop. Yag ñem kété mut a nlama nigil hop teele a pam kikii nkoh paa yag nkoh paa a
nlalma ke bisu i singii hop, inyuule hop u nañ lôñni bibug bi yondo bi nlôl
mahop mape. Kikii hihéga ibale a bé yi kôgmod
inyuu litibil lihep yag jôi li quinine a
nlama yi, tiga le ba pot jo i kegi yéé a kahal kinii ño. Hop u njubus mut i pôôna ni
matén mape. I mut a bi bañ kei yé
, a nti nye jôi jon yag we wa sébél ndigi inyuu le we u
nla bé oo jôi lipe inyuule wen u mbañ
bé. Kikii ihéga ; matôwa, baskô i ke ni bisu.
Jon hilémb hon hiyé mut. Ibale bo, u nyi bé hop, pék u gwé i ño, wa
labé lôôs yo bôt bape . U yi bé hop, u
nla bé telep i ti u nôôga. Ibale u nyi bé hop to u gwé bimbee bikondo, u nene hitéégé
mut libai li bôt. I mut a nigil makégél ma hop a bi gwééna, a yig bitja ni bisumble, mambé ni bikuum bi
hop, hanyen a nene mpôdôl. A nla ki bana bitel kii
bo mbombog, mut maloñ ma nyi,
ba tinag ki lipém. Jon i mut a nyaage hop wé ligwéyag, a mboñ le litén jé li yéna, li nene kii hipuuba. Ibale bo, ndi di ntjél pot hop
Basaa, hala a boñ bés le da nimis libag li
man mee ni ligwéé li mbog Basaa . Hop
u mpot, u yé nlam ingéda hala a nhôla we i nog maa isoñ. U nlama jo i sañ ini
le hop Basaa u wo bañ to ibale bo u nhoñol le wa biba. Ngo, u nlama yi le, mut a nla biba le
a kôli ni ndôm tole a biba ngi njom. Ingéda ba mbéb
we i ngi njom, u nog bé njôhge ndi maséé inyuule u téé sép ni i sañ u njo.
Di sugus i kwel ni kal le, hikii man mee a yéñ i pot hop wéé i
ligwéyag longe lipodog ibabé nye i wonyu tigale a yégle wang
mut .Masôôbe u
béé i yoñ ti. Jon Hilôlômbi a bé bé jôñ ndi a ti Basaa ngim hop. Di sem libua i nol
hop Hilôlômbi a bi ti béé, i, i
bééga ñañ basôgôlsôgôl, mandutu map ni maséé map,
ma mayé
i més i boga ni boga.
Yaônde, kondoñ1998
Nkam Pondi Pondi
Aucun commentaire:
Enregistrer un commentaire