TUU YADA I MBEGEE BÉ MANG
MI NJOK IMAA
Di nla kobol i ngén ini ni kal le
ba nlama bé kés mut ndutu i ngii i pe.
Di nla ki kobol i ngén ini ni kal
le ingéda u mboñ jam le u mal kit hala, u nlama nyôs nyuu i boñ
ndugi jam jada ndi to u tagbe i jam li pe.Jon u nok le:Kembee
i yé i gwal nu man, i nyañal nye ndi i gwal numpe. I njel ini i mboñ we le i
jam u bembek bé ni puhe jam gwon bi yé ngap bisu inyuu hipa. Mut
a niñ bé le a bana bé ngim hipa inyuu mam ma niñ yé. Kii u nlama pot ? Kii
u nlama sal ? Kii u nlama
hémle ? Kii u nlama gwés ? Kii u nlama bégés ?Kii i nlama ba we
nseñ i ke bisu ?Mut a nlama hôlôs nyuu. Mut a nlama yi sélés boña wé ni sañ a njo le a yi jo yo
inyuule niñ i yé sañ. Hipa a ntep i nene longe hipa le i njel i a noñ i yé longe njel. Hala a
yé nlélém inyuu loñ.Niñ i yé mbogog yak
mam ma niñ ma yé mbogog.
Yaônde, 07
libui li nyéé2015
NkamPondiPondi.
http://
antoinepondipondi.blogspot.com
Aucun commentaire:
Enregistrer un commentaire