MBEBI
Hala a yé liké li ngoa, li gwé ngim ngui ni ngim ngwé,li nhôñ i ngim homa, li lonnga ngim gwom i ke ni bisu.
Mbebi i yé ngandag mintén. U gwé njoi nu a nhôñ ingéda libui li ñyéé, a nlona ngim makon kikii bo ndôn, nut i laakôp i boña ni i poños nkak i ke ni bisu. Mbug mbebi i yé mbebi i gwé ngui ngandag, nyen a mbôk bie, a nhéya minyôl mi mandap i ke ni bisu. Huube i yé man mbebi, i nlona lisuni. Mbebi hañngaa i yé ngandag bitutunga bi nlôl i ntut i hañngaa. Ngiiña mbebi i yé mbebi i nhôñ ni ngui ndi i nkiiñaga i ngim homa. Mbebi kéndi i yé mbebi i nhôñ i nlélém kéndi ibaa i mbog (ño mbog-likôl, ño mbog-hyôn, nwel mbog-likôl, nwel mbog-hyôñ).Mbebi i tabé ibale bo hañngaa i tabé.
Yaônde, 12 kondoñ 2008
Nkam Pondi Pondi
JIS
Guii bis mis: sourcils
Bilélép bi mis: cils
Bikôkôp bi mis: paupières
Puba jis: sclérotique( blanc de l'œil)
Nlanga jis: iris
Lituba li nlanga jis: pupille
Itéé i jis: rétine
Pañ jis: côté de l'œil
Nkañ i jis : nerf optique
Laakôp i jis: cornée
Lilôi li jis: cataracte
Malémôke ma jis: cristallin
Tén jis: conjonctive
Yaônde, 20 kondoñ 2008
Nkam Pondi Pondi
B'A MUT A NLA YÉMBÉL I GWOM BI MBÔÑA
Di nla kobol i bug ini le yémbél ni kal le hala wee u gwé ngui i bép mut numpe sañ to gwét, i bép to i nol nuga, i bép liyep, jôhge , kon ngui i ke ni bisu.
Di nla kobol i bug ini le yom ni kal le hala a yé ngim jam i ngwéla tole hala a yé ngim jam i nene i mis le mut nyekinye a nla bé pénda.
Mut a nyi gwom le a nigil.Mut a nyi gwom ni i njel ini le linômôl i jam. Mut a nyi ki gwom ni i njel ipe ini le hégda mbén tole ni i njel i nsôk le mbogog mbén.
I nla pam le dihégda di mambén di laa bé kobol ngim gwom to yi ngim gwom.Yak lipôdôl li mbañ li nene maliga ingéda u ntehe matam ma gwom inyule pot ni boñ mam ma imaa.
Kikii di nkal le yom i nla ba ngim jam i ngwéla jon hala a nla nene le mut a mbôk mbén ndi ki a nkôôba bé i bôk mbén.
Imbee ngéda mut a nla yémbél i gwom bi mbôña?Ingéda a ntibil nigil ni yi i gwom bi. B'a mut a nla yémbél gwom gwobisôna?
Yaônde, 20 kondoñ 2008
Nkam Pondi Pondi
Aucun commentaire:
Enregistrer un commentaire