LELAA U NLA TIIMBA NOG NI WEMEDE I YOM I YÉ WE NSEÑ?

LELAA U NLA TIIMBA NOG NI WEMEDE I YOM I YÉ WE NSEÑ?

I mut a nyi ligwé jé li mbog a nla tiimba nog ni nyemede i yom i yé nye nseñ. Inyule ingéda u nyi ligwé joñ li mbog, wee u nyi niñ i bôt ba kôba, u nyi hop woñ ligwéyag, ñañ ni yi i basôgôlsôgôl boñ i ke bisu. I man mee a nyi base i sôkbôk to kinje jam li mpémel nye, hala a nhélés bé nye inyule a mbôdôl yéñ too i jam li, bôt ba kôba ba bi yi jo. Ibale bo ba bi yi bé jo, b’a yom ipe i mpôôna yo? Nseñ i base i sôkbôk i yé le man mee a sélés boña wé, a hek pék ni nyemede, a tehe nkoñ isi ni mana mam mape ni mis mé. Hala wee a nlama ba mut a gwé minkañ isi. Jon u nog le, u yii, u nkal bé le me béé. Hala wee ibale bo ndi u yé ngi wo, wee u yé. Wee u ngi yii i niñ. Wee u nlama jo sañ le u ba bañ nkol i mut numpe to loñ ipe i pes mahoñol moñ, i pes bisélél gwoñ, ipes i bok niñ yoñ i ke bisu. I man mee a nyi ndi a béhgag ligwé jé li mbog, a nla kal le: u yap lép, bisék bi sék bé we. Inyule wa ba bé wañ mut, lélés mut i ke bisu.

Yom u nlama tééda, yo ini le, yi yon i yé mut. Jon yi i ngi kônde i nteg bé mal.

Yaônde, 02 kondoñ 2010

Nkam Pondi Pondi

http://antoinepondipondi.blogspot.com