MAN KAA A NOGA HEE, WEE A MBADA

Di nla kobol i ngén ini ni kal le hala a yé mut a nyéñ njômbi i yi mam, njômbi i  nok mam, njômbi i tehe mam i ke bisu. Mu i njel i  nyen mut a ngwés ba ngwélés a nlama yén inyuule yéñ ndi wa léba. Mam ma niñ ma ñane mut le a nlama yéñ ndi to a ñôô bisélél gwé, a mbañ bee gwé, a nsal bijek gwé, a mboñ nyunga yé i ke bisu. U nla bé yi mut  numpe ibale bo ndi u nyéñ  bé i yi nye i pes  libak jé, lem yé i  ke bisu. Hala a yé i  nlélém  inyuu biloñ . Mut a nla bé  niñ iketé nsañ ibale bo ndi a nyéñ bé yi i bôt bo ni nye ba yé libôk.Mut  a nlama sélés boña   wé inyuule yi yon i yé mut . Ingéda u nyéñ hala   a hôla we le u kwo bañ i bee, u boñ  bañ ngandag dihôha i ke bisu. Hala a kônde ti we yi ni pék.  Mut a ngwés   bé  le mam ma puhe nye  a nyéñ i yi mam jon u nok le : nwaa  njal i  ba gwel Nyobe Libii li Bilong, i  ada nye a nha nkôm likabô i juu. U nogok ki le :  ba kal Nségbe Buduk  le  lilok li nlo mu i njel, ba nsak jo bibubudi. Nye bo le jam a ta bé, lo li lok bañ li at me me budi. Hala wee jam li nlo, li mpuhe bé we.

Yom u nlama tééda, yo ini le, i mut a nsômbôl bana yi, a nlama bat ndi ba toñlege nye.

          Masoda ni nu  a nkil hi kokok

Yaônde, 06 matôp  2014

                                         Nkam PONDI PONDI

                                                                    http ://antoinepondipondi.blogspot.com