Bôt ba bi
bôdôl tééda hoñol yap ni boña wap, ngog, mabam, mapep, bikaat, nko i ke bisu.
I len ini bôt
ba nléba le ba nla tééda hoñol yap ni mbogog manwin (informatique). Hala a mbat
mbog pék (logiciel) i i nyi nomba yanga tole litjee ni nomba yada. Hala a nlona
libañ minledek mi taafel (disques durs). Minledek mi taafel mini minsal ni
keilibog (ordinateur). Yon i yé hoñol mbogog manwin (mémoire informatique)
minledek mi taafel mini nwon mi yé i ndes manwin (internet). U yé u yibil ndes manwin
nyen u ntehe hoñol i matibla, i likot masangô, i manoñ, i mbén, i base i ke
bisu. I hoñol ini i yé i ntéédaga i ond i ndes
manwin (nuage informatique). Ngim biiñngin yon i ntééda hoñol kikii bo google ,
amazon, facebook, apple i ke bisu. I hoñol
ini i yé bifôtô gwoñ, manwin moñ, liyééne li keilibog yoñ, hoñol yoñ i ke bisu.
Biiñngin bini gwo bina bi yé i loñ Amérika. Jon to u nsas fôtô yoñ, matila moñ nledek
taafel i ntééda gwo(i keilibog tole i nsinga i woo). Ndigi loñ i
Chine yon i nsal bé ni google, amazon, facebook ni apple. Ndi i bale bo ond i
ndes manwin i nlék wee hoñol yoñ i nimil.
Yom u nlama yi, yo ini le ond i ndes manwin i ngwélél ngandag linyuma. Biiñgin
bini bi ntééda hoñol yoñ, bi yé bakén ba biloñ, hala wee bi nôgôl mambén ma loñ
yap, yom yokiyo i ntuga bé bo i pémés hoñol yoñ i ti yo to njee. B’a ngim loñ i
nlama ti hoñol yé loñ i pe inyuu tééda yo ? I loñ i ngwés tééda libak jé
li ngwélés i nlama jo sañ i bana ngandag
moni inyuu i yi tééda nledek taafel le hikii nwi mi tan i nlama heñel nledek taafel. Taafel bitidii
(DVD) i nom jôm li nwi ndi to u ngwélél i pe. Jon i kei u ngwélél i ba tik kei
(original) ndi u bulus i mam u ntééda bitaafel bipe. Ngim bôt tole ngim biloñ bi nyéñ i nip tole i tjé hoñol i ngim mut, i
ngim biiñngin tole i ngim loñ i pe i ke bisu.
Bôt ba kôba bon ba nkal le: yi
yon i yé mut. Hala wee i mut batééda hoñol yé ba nla pémés i yom i bak nye ntéédaga
nyen a nla bép woo i tôl le a yé ngwélés.
Yaônde, 27 mpuye 2015
NkamPondiPondi
http://antoinepondipondi.blosgpot.com
Aucun commentaire:
Enregistrer un commentaire