1) B’a ngông mut i nlôl ni nyemede ?
2) B’a ngông mut i tabé i yom mut numpe a ngwés? B’a mut a ñee i yom mut numpe a ñee?
3) B’a i pémsan ini yon i nlona nyéiha ipôla bôt ba binam?
4) B’a ingéda ngông i bôt bobasôna i ngim mbog i nyila nlélém, hala a mboñ le liada jap li mbagla?
5) B’a i jam lini jon li nlona téglaga ñyéé?
6) B’a ngandag manola i ngwéé ingéda bôt ba mbégés habé dikuu di ane ? Ingéda loñ i nsôs i nloñ? Ingéda loñ i nwaa ba ane? Inyule njal i nai tole ba ane ba mpéé bep kena loñ?
7) Kii i nla boñ we le u yi le i jam lini li yé téglaga ñyée?
a) Li bisu i nsômbla le mpungu i pam i ngim homa ;
b) Bôt ba ntjé ngandag ;
c) Ngim mut i nlama saa bibéba bôt ba ntjelel ;
d) Bôt ba mbol ngwom, ba ñôbôs ngwom inyu diun ba ntééda ikété miñem nwap.
8) B’a ngim base i nla kal le nyemb mut wada i ntohol bôt bape? Inyu kii ? kii i nla boñ le bôt ba neebe i jam lini? B’a ngim nyemb mut wada i nla hôla bôt bape le ba kônde niñ? Inyu kii? B’a hala a yé maliga? Inyu kii bôt ba nhémle i yom ba nhémle?
9) B’a di nhémle téglaga ñyéé ingéda di nhoñol le di yé nlélém litén? Le di nyila jam jada ? B’a woñi wem ni hison hem bi mboñ bé le me nlama tañba téglaga ñyéé, le me ni nye di tabe litén jada ? B’a me nlama nigle bôt ba litén jem ba yag bo ba nkit le téglaga ñyéé a tabé mut wap litén ?
10) B’a nyemb ngim nuga tole nyemb ngim mut i nene le yon tole nyen a njôs litén ? B’a i jam li jon ngim bibase i nhoñol le ngim mut yon i yé béba, yon i bééga bibéba bi mam, yon i nlona yubda, yon i yé yubda?
11) B’a jon ngim bôt i nla kal le ba nla héya mimbu mi be ?
12) B’a inyu i boñ le ñañ u manyii i ba i nsômbla le i mem bôt ba nhékda le bôt ba ngadla ba mboñ i ba maliga ?
13) B’a inyu i boñ le ngim mut i ba bañ téglaga ñyéé di nwéhlana bibéba gwés ?
Yaônde, 05 hilônde 2011
Nkam Pondi Pondi
Aucun commentaire:
Enregistrer un commentaire