lundi 28 octobre 2013

NIÑ I MUT

NIÑ I MUT

Mut a niñ le a ôô bisélél gwé, a bañ bee gwé, a sal bijek gwé, a bot mboda, a yi niñ i bôt bé ba kôba ni kwañ, a bana kumba i ke bisu.
Mut a niñ ki le a bégés Hilôlômbi, nu a bi heg nye, a heg ngii ni hisi, tuye, binuga, tjobi ni gwom gwobisôna bi yé i ngii ni hisi.
Jon di nla bat mbadga bisu le : b’a hala a yé maliga le nwin base i lôg kristô i bééga matehe mabe ma mut ? Mbadga i noñ ha yon i yé le : b’a hala yé maliga le mabogog ma mam ma niñ ma évangilium ma nkena mut i ngim njel i ngi-hémle i i nkéñ nye le a bot i yé mbog ?
I mam di ntehe ni nok mon ma yé le : wip i moni i nlel balal ba ndamba hikuu hi moni i Vatican; bipada ni bi bishop bi nhogi bi nyééna boonge bôlôm ; bon ba lôg kristô bon ba mbôn mut a nsélél bo le ba saa nye nson wé ndi ba saa bé nye ; na ba habé man Grékia, man Rôma, man Afrika to man lôg Yuda, b’a hala a mbôña ? Bon ba lôg kristô bon ba nkit njel le bishop man Bangila a jôp bañ i tison Yaônde. Bo ki bon ba nyoñ bakwade ni makoñ le ba nke i nol bishop yap inyuule a yé man mee.
Kristô a bi wo hala a nlel dikôô di nwi dibaa. B’a bôt ba nkoñ isi ba ngwésna ? B’a bon ba loñ yada ba ngwésna ? B’a bon ba litén jada ba ngwésna ? B’a bon ba ndap bôt yada ba ngwésna? Kii i ntuga bo gwéha noñnaga ni biniigana bi base i lôg Kristo ?
                       Yaônde, 10 biôôm 2013
                                Nkam Pondi Pondi
http: //antoinepondipondi.blospot.com    


Aucun commentaire: