BIYIHNE
Di nla kobol i buk ini ni kal le hala a yé i boñ le mut a nok ni yi ngim
jam i ngwéla, ngim jam i mpôda, ngim jam i mbôña, niñ i ngim mut, nson i ngim
mut. Hala a nla lôô ni i njel i emble nkuu mahop, i bénge nkuu bitidii, liañ
mapep ma nwin, liañ ndesmanwin, li añal ni bôt bape i ke bisu.
Ngim bôt tole ngim biloñ bi nyéñ biyihne. Jon u nok le : ngwégwét mam lôg Basangén a ba ke i jo
gwét biloñ, a yi bé gwo ndi a yik mankanda. Hala a yé mut bôt ba nyis mam.
Biyihne bi lam bi yé yak biyihne bi be bi yé. Jon mut a nlama bé hémle
hikii jam ba nyis nye. Jon u nok le : u
nup tju, u unda bé linubul, wee u nup i tjibi. Ndi mut a nlama bé lep to
yan i yom ba nyis nye. Jon mut kôba a kal le: jôñ mut i loona ntet ka.
Ngim biyihne i nla ba le i sôli. Hala a mboñ we le u yéñ i bana gwo. Jon
u nok le: man kaa a noga
hee? Wee a mbada.
Lelaa u nla gwés ni boñ le biyihne gwoñ u yis gwo ngandag bôt? U nlama yi
tep bibuk ni ngéda. Jon u nok le : hinoo ntombga hon i nhéya pos i nwii. U nogok ki
le: jam u mbôôña longe jon li nkap kel. U nlama ki yi tep
bisélél inyuu biyihne gwoñ.
Biyihne gwotama bé gwon bi nyis mut jam. Yak
ñañ, tjémbi, ngan, dingangana ni bipe.
Aucun commentaire:
Enregistrer un commentaire