LIADA
Ingéda basôgôlsôgôl ba
bi nyodi i Ngog lituba, ba bi bot liada ni Hilôlômbi, inyuule nyen a bi tat bo,
ndi ba bii niñ yap i moo méé. Inyuu hala nyen man mee a nsôble man a ngwé
ingéda yaa yé i mpam, hala wee dilo ditan inyuu man munlôm, dilo dina inyuu mam
mudaa. Ndi man mee a bi tehe le hala a kôli bé. Jon a bi kit le man munlôm a
nlama kweeba.
Likwee li ñunda liada li man mee ni Hilôlômbi, Nwet
wé. I munlôm a yé nkweebaga, wee a ñeebe le Hilôlômbi a yé nsaibag, ni ki le
nyen a yé Bayemlikok inyuule a ngwés le likwee jé li tagbe.
I mbus likwee, isañ mbai a naña ngand inyuu i ti
Hilôlômbi mayéga ni bibégés. Jon
inyuu man munlôm, i mbus sôble ni likwee, yom i nyégle nye, libii mudaa. Wee a
nyônôs liada li Hilôlômbi, ni nye a njôp i ntôñ i Hilôlômbi. Hala wee a nlama
bégés mambén ma Hilôlômbi, ni ntôñ i Hilôlômbi womede. A nlama niiga mboda yé i yi liada li man mee ni
Hilôlômbi. Jon lingwélés li nlôô i bégés mambén ma Hilôlômbi. Banga man mee a yé mut a nyônôs likak jé.
Ngond mee a mpôôna
bé likôndô ni munlôm a tabé nkweebaga.
Man mee a nkon bé
woñi ingéda a nhémle Nwet wé inyuule Hilôlômbi a yé ni
nye, ni nye a nyémbél mam ma niñ. Ndi a yé a kôm nye mbus, a yôm yak loñ mee
inyuule Hilôlômbi a nim nye yi ni pék, ni nye a nyi bé i kel a témb a loo nyen
ba nsébél le Njombongo.
Yaônde,
21dipôs2008
Nkam Pondi Pondi
http:/antoinepondipondi.blogspot.com
Aucun commentaire:
Enregistrer un commentaire