SÔKBÔK NI NYÉIHA
Hikii jam to yom ba
mbot i nlôô ni jel nyéiha. Base i sôkbôk i bi
lo ingéda bôt ba kôba ba bi yémbél i gwét bi bi juba i Ngog Lituba ni i bôt ba bé gwés le ba jôp i base i baôm
mbom isi.Panapô i mpamna we i nyéiha i nlel balal ba ndamba mut a nla bé yi
gwel. Jon Hilôlômbi nyen a ntep mbombog. Mbombog a yé lôs mut a bak ki ñane
ntôñ i gwét. Bon ba bé kat minkoñ ingéda bôt ba kôba ba bi nyodi i Ngog Lituba
. Bôt ba kôba ba yi le nyéiha i nla lôl
i mbégdé ni i bôt ba ngwés yilis we nkol kikii bôt ba base i baôm mbom isi. Nyéiha i nla ki lôl i niñ bôt ba niñ
bo ni bo. Base i baôm mbom isi i yé kikii bini bibase bi nkal le bi nyibil bilap.
Hala wee Hilôlômbi a bi pôdôs mut wada. Jon mut nyen a
yé nwet i nyéiha.Bibase bi nkal le Hilôlômbi a bi pôdôs mut wada bi nla bé héya nyéiha i sesema. I ngand mbog
nuga i sesema i yé ntômba. Inyuule Hilôlômbi a nti bé oda le mut a nol mut numpe
i sesema. Inyuu hala nyen bibase bi, bi ngwé ni nyéiha.Bi yé i gwét hikii ngéda.
Bi nyilis bôt bape minkol.Bi nyilis biloñ bi pe minkol nwap.Bi njôs bibase bi
pe gwét. Jon u nok le gwét bi bibase bi nyan i bôt ba ta bé bi base gwap, bi
ntehe bé le Hilôlômbi nyen a bi hek mut binam to ibale bo a gwé bé kôgôô kikii
i yéé , bi nyan hémle i bôt ba pe ni mayi map ma mbog, libogog jap li makot masangô
jon bi ngwés le li tjama ni nkoñ isi wosôna hala wee ane i lingwañ li wim. I
bôt ba yé i base Nyambe a bi pôdôs mut wada i kal wap ba ngwés le hémle yap i
kiha ni magwelek map (haba, hop i ke bisu) inyuu yap bomede ni inyuu bôt bape. Hala
a yé ngim ntén woñi inyuule ba nyi bé le nkôgô
i nañak, i nheñlag maboñ.
Yaônde, 26
libui li ñyéé 2016
Nkam Pondi Pondi
http :
//antoinepondipondi.blogspot.com
Aucun commentaire:
Enregistrer un commentaire