LIBAÑ MONI
Njee a mbañ
moni di ngwélél hikii kel ?Hikii mut a mbôñôl moni inyuu i somb mambod
méé, bijek gwé, i saa ndap a nlend i ke bisu. Mut a nla bé niñ ngi moni. Ndi
ngim bôt i gwé ngui ni kunde i bañ moni. Ngandag bôt i nhoñol le ngomin nyen a
mbañ moni tole loñ yon i mbañ moni tole mgim bôt nson wap i yé le ba mbañ moni.
Hala a ta bé maliga. I moni u ntééda hikuu hi moni mi mboda bôt, hikuu hi moni hi
hon hi mbañ moni ingéda u mbat kôle. Ingéda u mbat hikuu hi moni 100 000
FCFA. Hikuu hi moni hi ntila we le u gwé pil ndi hi gwé bé i moni nunu. Jon hi mbañ moni ndi ki hi gwé bé to dola. Ngui i i bi tina nye. Wa somb i nkus woñ 100 000 FCFA. I mut a
nuñle we nkus, nye a nkôhna matila le a gwé 100 000 FCFA. I mut a nuñle we
nkus, a saa babôñôl bé, a somb ki nkus i pe inyuu i yiha i nkus a nuñul i ke
bisu. I mam mana, momasôna ma mbôña ni moni hikuu hi moni hi mbañ ngi dola.I
moni nunu a ntagbe bé i moo ma bôt, yéne mapep. I moni nunu mi nlôô i ngandag moo
nyen ba nsébél le, moni pil. I moni u gwé i len ini hikuu hi moni ibale u
mbénge manjel mi noñ, mi nlôl i moni ngim mut i bi kôhna kôle hikuu hi moni ndi
mi pam i weeni. Ngim mut ini i nsal inyuu i saa pil wé. Ingéda a mal
saa pil wé i moni nunu a ñôbi inyuu liôt sitok. Inyuu hala nyen inyuu i boñ le
moni a sal i nsômbla le bôt, ngomin, biiñngin, biloñ i ke bisu ba yoñ kôle moni
dikuu di moni di mboda bôt.Pil won u yé ño masin i likot masangô i len ini.
Ibale pil u tabé moni mi ta bé. Inyuukii? Inyuule ingéda hikuu hi moni i nkôle
100 000 F CFA. U nlama timhbe 100 000 F CFA ni yéñe
i 5 000F CFA . Ndi hikuu hi moni hi
mbañ bé 105 000 F CFA ingéda hi mpôôs we moni. Yom hikuu hi moni hi mbañ
100 000 F CFA . Mut numpe nyen a nkôle 5 000 F CFA mi mi
njôp hikuu hi moni. Mi mi yé moni u
nlama saa pil woñ.
Hala a yé kii malép ma waa bé kuli. Ndi kii i yé pil ? I mut a nkôle mut numpe moni a nloo i mut a nyoñ
pil, a nlama sal inyuu i saa pil a nyoñ. I woo i nti i yé i ngii woo i nyoñ.
Hala nyen mam ma ntagbe likot masangô li ligwañ li wim. Mapanga ma
moni mon ma nkena likot masangô. Ma niñil mapil. I loñ i
ngwés bé le lingwañ li wim li mapanga ma moni jon li ñane nye, i mbañ moni wé ni njel tik hikuu hi moni.
Yaônde, 13 matumb 2018
Nkam Pondi Pondi
Aucun commentaire:
Enregistrer un commentaire