NSON I MAÔÔ
Lai i ô i ngwel mindoñ mi makiñ ndi ba ep mo i nwi ô, i
et ba hoo
pam i ngom ô. Mindoñ mini mi mboñ le
ngom ô i nyiñnga, yak yo i nyingis bon ba bihés bo baa ba ô i ñem kété. Minyiñnga mini mi nke i nyañ ô. I yé ngiñña, hés nyonog
ni poños. I pônôs ini i nhôla le biyikda bi tagbe i jô i nyañ ô i gwé ôngba i
koo. I jô i nyañ ô ini yo i gwé bipog bi manogna. I poños i yé i jô i nyañ ô i
ntinde ngii bipog bi manogna yon i yé
binyunge minkañ. Binyunge minkañ bini bi nke i boña nu a ntep ni yilis gwo
makiñ. Minsinga mi minkañ mi nhôla boña i tep mambee makiñ di emble ni makiñ di
emble bañ. Maôô ma nhôla bés i nog longe. Di nla
yi i pes makiñ ma nlôl. Ndi i ngéda u nkwel, boña woñ a nog ndigi ngan yada. Lelaa u nla yi le u nog bé longe ni maôô moñ ? I ngéda
u mbédés kiñ nkuu mahop tole kiñ nkuu bititii, ndi i bôt ba yé we i pañ ba nog
le i mpot ni ngui. Ibale
bo u mbat bôt hikii ngéda le ba tiimba kal we i yom ba mpot. Ibale bo u mbéna
kañ mbom, tole u nyiibe, tole u nsét ño inyuu i nog i mut a mpôdôs we. Ibale bo
i yé we ndutu i nog i yom i mpôda ingéda bôt ba kôdi libai tole i ngéda u yé i
mbôm sabe, tole i boma ni mawanda moñ. Ibale bo u mbéna bat bôt bape le ba kal
we i yom i mpôda.
Di nlama
tééda maôô més longe inyuule hala a yé kimasoda le mut a nog mam momasôna ma niñ
ni maôô méé. Di
nlama jôwa ô kikii ini nyuu i pe to ngélé yada i ngim sondi. Jon di yén bañ i
homa makiñ ma mbet i ngii i lel balal ba ndamba.
Yaônde, 20
biôôm 2002
Nkam PONDI
PONDI
http://
antoinepondipondi.blogspot.com
Aucun commentaire:
Enregistrer un commentaire