Di nla kobol i bug ini ni kal le, hala a yé yom i nyunga i i nleege bigwel moo, i i mpôôs moni, i i nyoñ yéñe mapep ma nyunga, i i nhôla bôt i somb ni nuñul bigwel moo bi bi gwé ngim ndamba. Hikuu hi moni hi nla pôôs moni i jôi li loñ tole i jôi li bôt.
I ngobol ini i ñunda we le hikuu hi moni hon i nkena nkus bi iñngin ni i njel ini le, hikuu hi moni hon i mpôôs moni, hon i nkit i yéñe u nlama saa, hon i nti we maéba ni bigwel gwoñ bi moo i ke bisu.
Kikii hikuu hi moni nson wéé le nyunga moni, jon u gwé moni batjañtjañ, péba moni ni moni mapep
Hikuu hi moni hi yé ngandag mintén. U gwé tik hikuu hi moni, hon i mbañ péba moni ni moni batjañtjañ. I tik hikuu hi moni ini, hon i mbénge nson i dikuu di moni bipe ; hon i gwé kunde loñ i tééda bakén ba moni, gôl i ke bisu. I tik hikuu hi moni ini hon i mpôôs bini dikuu di moni bipe moni, hon i nleege ni pôôs loñ moni i ke bisu.
Yom u nlama tééda, yo ini le, hikuu hi moni hi nniiga bés le, u gwéé bitôñ, wee u gwéé môô. Hala wee ibale bo ndi u mbot hikuu hi moni, ngandag i mam i nla habé téénga we i pes i nkus.
Yaônde, 22 hikañ 2004
Nkam pondi pondi
http://antoinepondipondi.blogspot.com
Hikuu hi moni
| Tik hikuu hi moni | = banque centrale |
| Hikuu hi moni i nyunga | = banque commerciale |
| Hikuu hi moni i mahol | = banque de développement |
| Hikuu hi moni i yum | = banque de coopératives |
| Hikuu hi moni i iñngin | = banque industrielle |
| Hikuu hi moni i nkoñ hisi | = banque mondiale |
| Hikuu hi moni i pôôs moni | = banque d’investissement |
| Hikuu hi moni bigwel moo | = banque marchande |
| Hikuu hi moni i nlélém ngaba | = banque mutuelle |
| Moni batjañtjañ | = pièce de monnaie |
| Péba moni | = billets de banque |
| Moni mapep | = chèques bancaires, chèques postaux, ordres de virement |
| Bôm i bigwel moo | = bourse de valeurs |
Yaônde, le 22 hikañ 2004
Nkam PONDI PONDI
http://antoinepondipondi.blogspot.com
Aucun commentaire:
Enregistrer un commentaire