Ingéda bôt ba kôba ba bi yémbél i bôt ba bé jôs bo gwét i Ngog Lituba, ba bé yi le biloñ bipe bi ga jôs litén li mee gwét inyu i yilis bon ba mee minkol. Bôt ba kôba ba bé yi le i loñ i nlo i jôs we gwét, i gwét bini bi yé gwét bi mahoñol, ni gwét bi kadal lihat li litén li mee i ke bisu.
Ingéda loñ i mbép we gwét, ngim ngéda i mpam le man mee a nôgda le a nlama bé tjél ligwé jé li mbog to nwas mbog inyule mbog yon i nyibil bilap. Hilôlômbi a bi ti man mee yi ni pék ingéda a nhémle nye. Jon man mee a bé bañ bee inyu i tibil makon ma mondo ma bôt ba kôba ba bé yi bé tole ba bé tibil bé mo i nya i nsômbla. Jon u nog le, yi i ngi kônde i nteg bé mal. Man mee a bé ôô bisélél gwé inyu i nuñul gwo, a bé yi le mbén i yé i ngii bôt bobasôna i ke bisu. I loñ i ñane litén li mee i mboñ le man mee a nlama nigbene Hilôlômbi, a nlama bôdôl ni Hilôlômbi ibale bo ndi a ngwés ba ngwélés inyule nyen a yé Bayemlikok. Hikii yom man mee a mboñ a nlama nyôs nyuu i pes mahoñol ni nson. I yom ini yon ya mboñ nye le a waa hémle ba boo, bilembe, ndi a ba mut a ngwés loñ yé inyule mut a nje njék ndi mut a nje bé loñ. I man mee a nyi añ kaat i sôkbôk, a ntehe le i kaat ini i nyilis nye ngwélés. Jon man mee a gwélél mambén ma Hilôlômbi. Mbén bisu yon i nkal le, man mee a nje bañ bijek, a nyo bañ maog ma loñ i ñane nye tigale a yila nkol i loñ i. Mbén i yôhne ibaa i nkal le, man mee a nuñlene bañ biték gwé mut a tabé man mee. Mbén i yôhne iaa yon i nkal le, munlôm a haba bañ mbod muda to muda a haba bañ mbod munlôm. Maliga ma yé mapubi ma nom. Jon ba sébél ki Hilôlômbi le Kimaltjai.
Yaônde, 12 njéba 2010
Nkam PONDI PONDI
Aucun commentaire:
Enregistrer un commentaire