Mut a nlama bé boñ mut numpe jam a gwés bé le ba boñ nye. Jon u nuñlene bañ mut yom yoñ ni hiluga. Hala wee u nyi le yom i nhee bé i ndamba u ntamb yo, yom yoñ i yé bôô i ke bisu.
Ingéda u nlôg maisoñ, manyuñ, nkén mut i ke bisu, hala wee u nhémle bé Hilôlômbi inyule nyen a bi heg i mut u nlôg.
Hiluga hi yé i kôm Hilôlômbi mbus. Hiluga hi yé i ntjél kon Hilôlômbi woñi. Hala a yé i bôk mbén Hilôlômbi inyule maliga ma yé mapubi ma nom. Inyu hala nyen bôt ba kôba ba bé sébél ki Hilôlômbi le Kimaltjai.
I mut a nyéñ gwéha, maliga ni nsañ bi Hilôlômbi a tabé mut hiluga. A yé mut telepsép. Mut nu a mbot bé mut numpe jam inyu i wéha nye nyuu, mut nu a nyônôs i yom a mbôn i ke bisu. Mut nu a nyi le, hinuni hi ngwiina makôô, mut a ngwiina i nyo.
Yaônde, 12 njéba 2010
Nkam Pondi Pondi
http://antoinepondipondi.blogspot.com
Aucun commentaire:
Enregistrer un commentaire